RYSHA'S POV
"Sige Rysha, kung okay lang sa 'yo na mag-alala ako, walang problema sa akin. Pero sana isipin mo rin sina Mama at ang buong barkada na nag-aalala rin sa 'yo."
Umaga na pero hanggang ngayon ay hindi pa rin ako natutulog. Hindi rin ako nagpumilit nang umalis dahil sa mga sinabi sa akin ni Throy kagabi. Magdamag lang akong nakahiga sa kama ko at nakatitig lang sa kisame.
Isa akong Psyche pero bakit hindi ko maramdaman na malakas ako? And now, hindi ko na alam kung dapat pa ba akong maniwala sa sarili ko. Hindi ko na alam kung mapapag-tagumpayan ko pa ang misyon ko.
Nakarinig ako ng mga ingay na nagmumula sa baba. Paniguradong ang barkada iyon. Hindi sila umuwi kagabi at dito na rin natulog, pati na rin sina Tito John at Tita Athena.
"Rysha, kailangan nating umalis dito."
