RYSHA POV
Bigla akong naalimpungatan nang tumama sa mukha ko ang sinag ng araw. Nakatulog na pala ako dito sa damuhan. Hindi ko akalain na makakatulog pa ako sa kabila ng mga nangyayari. Marahil ay dahil na rin sa pagod ang katawan at isipan ko.
"Kumusta ang pakiramdam mo?"
Napabangon ako bigla nang marinig ko ang boses ni Throy. Nakaupo pala siya sa tabi ko at nakatingin sa akin.
"Anong oras na?" tanong ko sa kaniya.
"Alas dose ng tanghali. Sa bahay mo na lang ipagpatuloy mo ang tulog mo upang mas komportable," sagot naman niya sa akin.
Tumayo ako at huminga ng malalim. "Pupuntahan ko si Nerissa," deretso kong sabi sa kaniya.
"Then sasama kami," deretsong sabi rin niya.
"Hindi Throy, laban ko ito at ayokong madamay pa kayo."
"Pagtatalunan na naman ba natin ito Rysha?" naiinis niy
