MAKALIPAS ang tatlong buwan ay naging opisyal nga ang relasyon nina Harrison at Jennie. At ngayon nga ay ipakikilala na ni Harrison ang nobya sa kaniyang mga magulang katulad ng ipinangako niya sa mga ito.
"M-magugustuhan kaya ako ng parents mo?" Kinakabahang tanong ng dalaga sa kaniya.
Nasa Mall kasi sila ngayon para bumili ng pasalubong para sa mga magulang niya.
"Oo naman! Hindi naman sila mapili at istrikto."
"Paano kung hindi?" giit pa nito.
Bahagyang niyang pinisil ang ilong nito. "Huwag ka ngang nega diyan. Nagustuhan nga kita, hindi ba? Kaya sigurado akong magugustuhan ka rin nila."
"How about my outfit? Does it suit me? Hindi ba baduy tignan?" sunod-sunod na tanong nito habang umiikot pa sa harap niya.
"Syempre naman bagay sa 'yo! Reregaluhan ba kita ng hindi bagay sa 'yo?"
