“HINDI AKO MAARING magkamali. May naririnig talaga akong ingay at kaluskos. Malakas ang pakiramdam ko Layla! Hindi ako nagiimbento lang ng kwento,” madiing sabi ni Tomas na ikinalunok ni Isabelle ng matindi mula sa kanilang pinagkukublihan.
“Sus! Sino naman ang makikichismis saatin? ‘Yong mga kapitbahay nating mga chismosa? Para namang hindi ka na nasanay doon, Tomas!” Talak ni Layla
“Tumahimik ka! Hindi lang ‘yon basta kapitbahay lang,”
Umismid si Layla. “Eh, kung ganoon sino? Bigating mga tao ba tayo para pagtuunan pa ng pansin? Ano akala mo Mayor ka at maraming kaaway na gusto kang patumbahin?” sarkastikong sagot nito
Inis na binalingan ito ni Tomas. “Hindi ka titigil? Sasamain ka saakin. Makikita mo,” banta nito.
Mukha namang nahintakutan si Layla kaya nanahimik nalang. “Kunin mo
