MULA SA MALAKING puno na pinagkukublihan nila ay nakita ni Isabelle mula sa malayo ang pagdating ng isang tricycle sa harap ng dati nilang bahay. Hindi maiwasan ng dalaga na hindi maging emosyonal pagkakita sa minsang naging tahanan niya. Saksi ang bahay na 'yon sa lahat ng hirap at pasakit ng buhay sakaniya noon. Kung saan siya nagkamalay at nagkaisip. Wala pa ring pinagbago ang bahay nila. Maliit at sira-sira pa rin. Nakakapagtakang sa laki ng perang naibigay dito ni Mother Hems ay ni hindi man lang napaayos kahit ang bubong ng bahay.
Pero sabagay, kilala niya si Layla. Mas uunahin nito ang lalaki nito at ang bisyo kaysa gumawa ng mga kabuluhang bagay. Hindi na siya dapat magtaka roon. Nakita niya ang pagbaba ni Tomas at ni Layla sa tricycle. Nang makita muli ang ina ay sumikdo ang gali
