Kabanata XXI: Bihag
DAHAN-DAHAN iminulat ni Meteor ang mga mata niya. Agad na tumambad sa kaniya ang hindi pamilyar na silid na kinaroroonan niya. Hindi niya alam kung gaano siya katagal na nawalan ng malay. Agad siyang binalot ng takot at kaba nang mapagtanto ang kinaroroonan niya. Saglit siyang natulala nang maalala niya ang nangyari bago siya mawalan ng malay. "C-Carlo?" gulat na banggit niya sa pangalan nito. Napaawang ang bibig niya sa gulat dahil sa ginawa nito sa kaniya. Hindi siya makapaniwala sa nangyari at sa nakakatakot na hitsura ni Carlo nang araw na iyon. Mabilis siyang gumalaw at tinungo ang pinto ng silid na kinaroroonan niya. Kinalampag niya iyon. "Buksan niyo ang pinto! Tulong!" sigaw niya, umaasang may sasaklolo sa kaniya. 'Luke,' ani ng kaniyang isip. Hindi niya alam ang gagawin dahil
- Writer
