"Tumigil ka nga! Nasaktan ka na nga, tumatawa ka pa! Ibang klase ka talaga ʼInsan," iiling-iling na wika ni Tinang.
"Gaya nga nang sinabi ko, hindi ako magmumukmok! Ano, magsesenti ako, habang naaalala ko iyong mga ginawa ni itlog sa akin?" pahayag niya na inubos na ang laman ng pulang kabayo. At sumandal sa upuan.
Napabuntong-hininga naman si Tinang sa tinuran ni Luna. Hahayaang na muna niyang magsalita o magpaliwanag ito bago siya titimbre! Pero hindi niya rin kayang hindi magsalita. Magpinsan nga talaga sila dahil ang daldal nilang dalawa!
Naks! Parang pulis lang ang peg ni Tinang, titimbre, eh!
"Ibig kong sabihin, iyong nagagawa mo pang magpatawa kahit broken hearted ka ngayon," pahayag nito.
"Iyon kasi ang karakter ko rito, Tinang, ang magpatawa ng mga mambabasa. Minsan nga,
