"Nakatatawa ba, ha?" ismid ni Hermes sa kanya.
"Siguro, dahil ako lang ang natawa. Uhm, kumain ka na?" tanong niya.
"Hindi pa. Kauuwi lang kasi namin kani-kanina lang ni Mang Poncio," pahayag nito.
"Kauuwi lang? Bakit, saan kayo pumunta? Nakipag-date ka?" sunod-sunod niyang tanong.
"Oo," tipid nitong sagot.
"Ah. . . Kaya pala, nakabihis ka kanina. So, iyong kotse ay sa ʼyo, para dagdag pogi points," naiinis na aniya.
Tumikhim si Hermes.
"Parang gano'n na nga."
"Maganda ʼyan, maganda ʼyan," komento niya. "Sige, patayin ko na ʼtong cellphone, hanggang maghingalo at iidlip muna ako," walang gana niyang sagot.
Kumunot ang noo ni Hermes sa narinig.
"Iidlip ka, eh, kausap mo pa amo, mo," sambit nito.
"Naaantok na kasi, ako. So, kahit amo kita, wala na ba akong karapang magp
