"Abaʼy may bisita ka bang galing imported, Mareng Dang at kay ganda naman ng sasakyan na iyan," komento ng isang bisita kay Aling Danna.
"Wala akong natatandahan na nag-imbita kami ng imported na lahi. Baka, itong si Ramon ang may bisita rʼyan. Teka lang kumare, at tawagin ko ang iyong kumpare na sumasayaw na ng cha-cha," sambit naman ng inay ni Luna.
Pinuntahan nito si Mang Ramon na abala sa pagsasayaw na kulang na lang ay matumba dahil sa kalasingan.
"Oh, My Dangling! Please dance with me," wika ng matandang sinayawan si Aling Danna.
"Hoy, Ramon, mukha kang kiti-kiti! May inimbita ka bang imported, ha! At may humintong sasakyan sa harapan natin," pahayag niya.
Lumingon-lingon si Mang Ramon. Inikutan niya pa ang asawang babae.
"Nasaʼn ang kotse, Dang? Sabi mo, nasa harapan nat
