Focus na focus si Meygan sa librong binabasa habang katabi si Jai na busy din sa librong binabasa nito. Nasa library silang dalawa nang umagang iyon. Break time nila ngunit napagpasyahan nilang gugulin ang oras sa library dahil sa nalalapit nilang examination.
Nang sabay silang magkatinginan dahil sa pagtunog ng cellphone ni Meygan.
"Bakit hindi 'yan naka silent?" mahinang saad ni Jai.
Kaagad namang dinampot ni Meygan ang cellphone. Mabilis niya iyong inilagay sa silent mode habang iniiwasang mapatingin sa ilang estudyanteng naroon na sigurado siyang nakatingin sa kanila. Ipinagpapasalamat niyang txt message lang ang natanggap niya kaya naman hindi ganoon katagal ang pagtunog ng kaniyang cellphone. Kaagad niya iyong binuksan at nakitang pangalan ni Jayden ang lumabas. Naalala niyang sin
