Hindi mapakali si Meygan nang gabing iyon habang isinusuot nito ang kulay itim niyang jacket. Napatingin siya kay Jai na nakabis na rin at katulad niya'y naka jacket din ito ng kulay itim.
"Naku, mag-iingat kayo ha. Ako kasing kinakabahan sa inyo baka mahuli kayo," wika bigla ni Brianna habang nakatingin sa kanila.
"Bibilisan lang namin," kagya't namang sagot ni Meygan at nginitian niya rin ang kaibigang si Jai. Una niya ng sinabi kay Jai na kahit huwag na siyang samahan. Ngunit hindi naman pumayag ang kaibigan na mag-isa siyang aalis sa gabing iyon.
"Sigurado kang nabasa na ni Jayden ang text message mo ha?" saad naman ni Jai.
"Dapat hintayin niyo muna talaga ang reply ni Jayden eh," singit muli ni Brianna.
"Tingin ko rin," wika naman ni Anida na bahagya pang humikab.
Pupuntahan kas
