Nakayuko sina Meygan at Jai habang nakatayo sa harapan ng principal ng eskwelahan nila. Araw na ng Lunes, patatlong araw mula nang mawalan ng malay si Meygan noong magpunta sila kay Jayden.
Na-report nga sila ng guwardiya sa dorm nila noong hindi sila makabalik noong Biyernes. Irereport na rin sana sila sa mga pulis dahil nga inabot na ng hatinggabi sa pag-aabang ang guwardiya sa pagdating nila. Mabuti na lamang at naisipan pang tumawag ni Jai kina Brianna at pinapunta nila ito sa guwardiya upang sabihing walang masamang nangyari sa kanila. Sinabi ni Jai kay Brianna na ang sabihin sa guwardiya ay natulog sila sa bahay nina Meygan.
Ngunit dahil lumabag pa rin sila, kinailangan nilang humarap sa kanilang principal.
"Ms. Go and Ms. Gwang, alam ba ninyong bukod sa suspension ay may iba pang
