Mari’s pov
KANINA PA NAKATITIG si Mari sa papel na nasa bag ng binatilyo. Malinaw na nakasulat sa papel ang pangalan ni Director General Vince Angeles. Itinuturo ni Margarett Guevarra si Director General Vince Angeles bilang protector ng sindikato. Hindi lamang sulat ang kanyang nakita sa bag kundi maraming pera.
“Kilala mo ba siya?” tanong sa kanya ni Gab.
Umiling siya.
“Nakikita ko lang siya sa TV pero sa personal ay hindi ko siya kilala,” sagot niya kay Gab. “Kailangan natin pag-aralan ang kilos ni General Vince at alamin ang kanyang mga ginagawa. Kapag may nakita tayong kaduda-duda sa kanyang ikinikilos ay uunahin na natin siya,” dagdag niya pa kay Gab.
“Alagad ng batas si General Vince. Mahihirapan tayong lapitan siya,” wika sa kanya ni Gab.
“Hindi ako titigil hanggat hindi ko n
