"Kumusta po ang mga kapatid ko at ang pamangkin ko?"
Nginitian ko ang mga estudyanteng bumabati at nagpapaalam sa akin habang nakalapat ang phone ko sa tainga ko at kausap si Mama.
"Bye, mag-ingat kayo sa pag-uwi ha. H'wag na kung saan-saan pumunta," bilin ko sa mga estudyanteng nagpaalam sa akin bago lumabas ng gate.
"Okay naman. Aba, saka tingnan mo itong pamangkin mo, kay gandang bata. Magse-send pa ako nang maraming picture sa 'yo," sabi ni Mama at mukhang tuwang tuwa.
"Aasahan ko po 'yan. Pakisabi po kay Camille na sa susunod na buwan pupunta ako riyan sa Cavite at mag-uuwi ng mga regalo para sa pamangkin ko. Pasensya na po at hindi po ako makapunta. Sobrang busy ko lang po kasi talaga," sabi ko bago nagtungo sa hintayan ng tricycle.
"Ano ka ba? H'wag mo kaming isipin dito at kay
