“Ang gwapo naman ng batang 'to, Anika! Kuhang kuha sa'yo `yung mukha pero ka-aura ng mga Montecarlo,” komento ni Love matapos kong ipakita ang mga pictures ni Raven na kuha lang noong kinasal kami ni Vaughan. Halos makadaupang-palad ko ang lahat ng kamag-anak n’ya noong kasal namin kaya hindi ko matutulan ang sinasabi ni Love. Ang taas at ang pananalita ni Raven ay namana n'ya sa angkan nina Vaughan. Karamihan sa mga pinsan at pamangkin n'ya ay pawang mga kalalakihan kaya naman nang maihalo si Raven sa mga iyon ay hindi ito nagpahuli pagdating sa tikas at itsura.
“Kung alam mo lang kung gaano ka-maldito yan,” nakangiwing sabi ko habang nag-iscan ng ilang documents na kaka-email lang sa akin. Tumawa si Love at ibinalik sa akin ang phone ko.
“Gawa pa kayo ng babae, Anika. Paniguradon
