Nakahinga ako ng maluwag nang makita si Kuya Felix na nakatayo sa labas ng Ferrari ni Vaughan at mukhang may kausap sa phone. Naglakad ako palapit sa kanya at nang makita n'ya ako ay tinapos na n'ya agad ang tawag.
“Ma'am, may kailangan po kayo?” tanong n'ya nang tuluyang makalapit sa akin.
“K-kuya, pwede po bang pahatid ako sa iyo sa bahay?” pilit kong pinapanormal ang boses ko at hindi ako gaanong tumitingin sa kanya para hindi n’ya mapansin ang mukha ko na panigurado ay halatang halata na kakagaling lang sa pag-iyak.
Kunot noo s'ya nang suriin ang mukha ko kaya lalo pa akong umiwas ng tingin. “Okay lang, Ma'am. Tatawagan ko lang si Vaughan—”
Umiling agad ako.
“W-wag na, Kuya. Nagpaalam na ako sa kanya. S-sinabihan n'ya akong magpahatid na lang sa iyo kasi… masama ang pakiramdam ko
