Ilang kwarto kaya ang mayroon sa bahay ni Zavier at ganito kalaki ang ipinahiram niya sa akin? Kaya kong magsayaw at mag-tumbling dito sa laki ng espasyo. Kasya yata ang tatlo hanggang apat na tao sa kama. Tapos may bathtub pa sa banyo. Parang nasa penthouse pa rin ako. Ang pinagkaiba lang ay walang kusina at sala rito.
Naisip ko tuloy ang sinabi nina Eddie kanina. Kung mag-isa lang si Zavier sa malaking bahay na ito, hindi ba siya nalulungkot? Tsaka bakit mag-isa siya? Wala ba siyang pamilya? Bakit hindi niya kasama ang kapatid niyang si Sera?
Kung buhay pa ang kapatid ko, hinding-hindi talaga ako papayag na mahiwalay sa kanya. Sisiguraduhin kong lagi akong nakabuntot. Kung nasaan siya, kahit impyerno pa ‘yan, doon ako.
Nahiga ako sa kama at napatitig sa ceiling ng kwarto. Hindi ako
