“Is everything alright? Kanina ka pa tahimik,” pagpuna ni Zavier habang naglalakad kami papasok ng headquarters. Paano’y buong byahe akong walang imik; iniisip ko pa rin ang kapatid kong naiwan sa bahay.
“Bakit nga ulit ako kailangan dito ngayon?” tanong ko sabay baling ng tingin sa kanya.
“I have an important announcement to make,” simpleng tugon niya habang diretso lang ang tingin.
May mangilan-ngilan kaming empleyadong nakasalubong at lahat sila’y yumuko at bumati sa kanya. Dahil medyo nailang ay bahagya akong dumistansya. Nauuna siya habang nasa gilid at halos likod na niya ‘ko. Wala na siyang sinabi pa sa ‘kin kaya mukhang nasa iba na atensyon niya—
Hinawakan niya ako sa braso at idinikit sa kanya. Muntik na ‘kong mabangga ng paparating na tao dahil kung saan-saan lumilipad ang
