Marahil tama si Zavier. Sa paglalim ng ugnayan naming dalawa, naging bulag ako pagdating sa pagkatao niya. Kahit pa leader siya ng mafia group na may mga ilegal na aktibidad, kahit parte siya ng mundong patuloy na umuubos sa mga Marasubwa, para sa ‘kin ay mas angat pa rin ang kabutihan niya.
Patuloy ang pagbuhos ng malakas na ulan. Pabalik-balik ang galaw ng wiper. Ilang minuto nang nakahinto ang kotse sa tabi ng kalsada pagkatapos sumabog ni Zavier. Tikom ang bibig namin ngayon habang parehong nakaupo, nakatitig sa basang kalsada, at dinig ang kapwa mabigat na paghinga.
“Did you—”
“Sorry—”
Sabay kaming napatingin sa isa’t isa. Hinigit ko ang hininga ko nang mapansin ang pag-aalala sa mga mata niya. “Speak first,” sabi niya pero bumagsak ang tingin ko.
Pinagdikit ko ang bibig ko saba
