Nauunawaan ko na ngayon kung bakit ganuon na lang ang pagpupumilit ni Pietro na makuha ang loob ko. Kailangan niya itong gawin para kusa akong sumama sa kanya. Gustuhin man niya kasing patayin ako o basta na lang kuhanin, kumplikado dahil hindi na lang ako basta Marasubwa.
Bukod sa kabilang ako sa Eagle’s Claw Empire na associated sa Red Hand Society, engaged din ako kay Zavier. At para sa kanila, malaking gulo ang pagbangga sa isang mafia group – bagay na mangyayari oras na kantiin nila ako.
Sa kabila ng mga natuklasan ko ngayon, lalo na tungkol kay Andeng, naguguluhan pa rin ako… “Kung ganuon, ‘yung mga impormasyong alam nila tungkol sa kapatid ko–”
“Marahil ay nanggaling din sa ‘yo. Lahat ng alam nila tungkol kay Andeng, posibleng ikaw din ang source, Maymay,” paglilinaw ni Baste n
