“Ngayong may ebidensya ka na laban kay Mr. Tanicala, what’s your next move?” matigas kong tanong kay Iza, naalala ang sinabi niya noon—oras na magkaroon siya ng matibay na ebidensya, ilalabas niya ito sa isang exposé. Balak niyang ipaalam sa buong mundo ang totoo para mabigyan ito ng tamang parusa.
Nagtagpo ang mga mata namin ni Iza. Hindi ko alam kung naririnig niya ang tambol ng dibdib ko.
Sa isang malaking media company tulad ng MetroPress, hindi mahirap para sa kanyang i-expose ang katotohanan. Kaya posibleng mabigyan ng hustisya ang mga Marasubwa.
Pero may isang bagay na bumabagabag sa ‘kin… kulang pa ang impormasyong hawak namin ni Zavier. Kahit mailabas ni Iza ang tungkol sa perang tinanggap ni Mr. Tanicala mula sa isang Italian organization, walang kasiguraduhang matutunton nit
