CHARM's POV
Paggising ko kinaumagahan ay mukha ni Atty. Xavier na mahimbing na natutulog ang nabungaran ko. Nakadapa s'ya sa tabi ko at nakadantay ang braso sa gawing tyan ko. Napakurap ako at napatitig sa mukha n'ya. Iniisip ko palang ang mga nangyari kagabi ay napapangiti na ako at nag-iinit ang pisngi.
Gusto n'ya ako.
Sinong hindi mabibigla kapag narinig 'yung sinabi n'ya kagabi? Alam mo 'yung mala fairtytale? 'Yung mala w*****d? 'Yung fiction at malabong mangyari sa totoong buhay? O kung posible man, nasa 10% out of 100 lang ang possibility. Pero kagabi, nasabi n'ya. Umamin s'yang gusto n'ya ako. At aaminin ko, naloka talaga ako sa pinagsasabi n'ya.
Wala sa hinagap ko na magiging mala Beauty and the Beast ang lovelife ko! S'ya ang Beauty at ako ang Beast! Sa gwapo ba naman ng isang
