CHARM's POV
Namasyal kami sa Picnic Grove kasama ang Lolo at Lola n'ya. Maganda ang panahon kaya nakapamasyal kami ng maayos. Naghorseback riding kami at nagpapicture habang nakasakay sa mga kabayo. Enjoy na enjoy si Lola dahil ngayon lang pala s'ya nakapasyal dito simula nang umuwi sila ng Pilipinas. Palagi daw ay sa mamahaling hotels and restaurants sa buong Tagaytay s'ya dinadala ni Lolo dahil nag-aalala ito na baka mapagod ng husto si Lola dahil mahina ang puso nito.
Panay ang saway sa akin ni Atty. Xavier dahil bumibitaw ako sa kabayo at tinataas ang aking kamay. Nakakarelax ang hangin dahil katamtaman ang panahon. Tinatawanan ko lang s'ya pero sinisimangutan n'ya lang ako. Nangingiti na naiiling ang umaalalay sa kabayo na sinasakyan ko dahil panay ang kuha ko ng pictures sa paligid
