انتقام أعمي

الفصل السابع

انتقام أعمي

الفصل السابع

في ڤيلا سليم الهواري

وصل العرسان جاسر ويارا والعربات خلفهم تزفهم .. وقفت السيارة امام الڤيلا وترجل جاسر منها وتوجه للناحية الاخري وساعد يارا علي النزول ثم امسكت بيده وتوجهُ للداخل وما ان دخلو حتي علت الموسيقي والتصفيق ااحار من المعازيم .....

كان هناك طريق مخصص لهم للسير عليه الي مكان جلوسهم مليئ بالورود والمعازيم تقف علي الاطراف ،، جلس كل من يارا وجاسر في مكانهم المخصص لهم المواجه للجميع ... بعد قليل بدأت الرقصة المنفردة للعرسان وقام جاسر ومد يده ليارا وتوجهُ ناحية المكان المخصص للرقص ....

وضعت يارا يديها حول عنق جاسر بينما وضع هو يديه علي خصرها وابتدت الاغنية واصبحو يتمايلو معها .......

— انا بعشقة للدنيا ايوة هقولها انا 

متفائلة بية

دة فرحة الدنيا وما فيها جاتلى فية

وبدعى ربنا كل يوم يخلينى لية

انا بعشقة بكون ضعيفة بشوفة انا بستقوي بية

دة حد من نوع اللى مرة بتلاقية

انا حبة نفسى تقول ما هية ملك لية

ملكنى بكل احساسى فاكرنى تملى مش ناسى

بقالى هو دة ناسى مليش بعدية

فى وقت ما يجى ادامى

بتبدا كل احلامى وتحضن صورتة ايامى

بموت انا فية

انا بعشقة معرفش لما بقابلة يومها انا

ببقى مين

بياخدنى من روحى وحياتى بكلمتين

دة اللى زيو نفسى اعرف راحو فين

ملكنى بكل احساسى فاكرنى تملى مش ناسى

بقالى هو دة ناسى مليش بعدية

فى وقت ما يجى ادامى

بتبدا كل احلامى وتحضن صورتة ايامى

بموت انا فية

اختارت يارا هذه الاغنية لانها تصفها تماما  .... انتهت الاغنية التي لم تخلو من همسات جاسر العاشقة ....

همس جاسر في اذنها : اختيار رائع . ابتسمت هي له ... ،،،ثم احضرت سوزان والدة جاسر الشبكة والبسها جاسر ليارا التي كانت عبارة عن ( خاتم الماز بفص رقيق ودبلة الماز بفصوص صغيرة رقيقة وسلسلة علي شكل تاج وكأنه يتوجها بملكته وحده ) .

ثم اشتعلت الموسيقي وذهب جاسر للرقص مع اصدقائه وكذلك يارا ...،

وتم حمل جاسر من اصدقائه واصبحو يهتفون له ويحيونه .. ،، ثم توجت جاسر ناحية يارا واخذ يرقص معها ثم جاء ادهم واخذ يرقص مع اخته بحب وقام بإحتضانها والمباركة لها  .....

جائت لحظة كعكة الزفاف .. كان بعض العمال يجرونها من بعيد وحينما اقتربو منهم اندهش جاسر ونظر ليارا بفرحة التي كانت تبتسم له ..

كانت الكعكة ثلاثة ادوار صغيرة ليست بكبيرة وكانت اخر طبقة تحتوي علي صورة جاسر وكتب عليها Happy birth day gaser .

مال جاسر علي يارا وهمس في اذنها : يعني طلعتي عارفة في ايه انهاردة .

يارا بإبتسامة : طبعا انا ليمكن انسي اليوم ده ابدا ،، كل سنة وانت معايا يا حبيبي Happy birth day ..I love you .

قبل جاسر راسها واردف : وانتي معايا دايما يا اميرتي .

ثم قطعو الكعكة سوياً واطعم كل منهم الاخر ... ،، وبدأ الحضور بإعطاء جاسر ويارا الهدايا لعيد ميلاد جاسر ولخطوبتهم .

جاسر ليارا : طيب والناس دي عرفت عيد ميلادي ازاي .

يارا بمرح : ما دعوة الخطوبة كان مكتوب فيها ان انهاردة عيد ميلادك .

ابتسم جاسر واثني علي فكرتها : لا طلعتي جامدة جامدة يعني  ،، ربنا يخليكي ليا يا حبيبتي .

قالت بحب : ويخليك ليا يا حبيبي .

وظل الحفل هكذا ...،، ثم اخذ جاسر يارا وظلو ينتقلون بين الضيوف حتي وصلو عند اهل جاسر

سوزان : مب**ك يا حبايبي اعبال ما تبقي في بيت جاسر واشوف ولادكو.

جاسر بإبتسامة : اطمني يا ماما قريب اوي .

نظرت له يارا بعدم فهم بينما اردف عز : ناوي علي ايه يا واد .

نظر جاسر لعيني يارا واردف : ناوي علي كل خير يا بابا .

ضحك عز وكأنه فهم مراد ابنه ثم اردف : تتهنو مع بعض يا ولاد مب**ك يا يويو مب**ك يا جاسر .

يارا : الله يبارك فيك يا انكل .

عز : غير انكو عملتو خير معايا انا بقالي سنين ما شوفتش سليم .

قطبت يارا حاجبيها في اندهاش : هو حضرتك وبابا تعرفو بعض .

عز : طبعا احنا كنا اعز صحاب ،، ثم قال بتوتر : قبل ما اسافر واستقر في فرنسا طبعاً .

اكتفت يارا بإبتسامة ... ثم اخذها جاسر وتوجهُ الي حيث سليم الذي يجلس مع بعض رجل الاعمال .

سليم بإبتسامة وهو يحتضن ابنته : مب**ك يا حبيبتي ،، ثم سلم علي جاسر واردف : مب**ك يا عريس بنتي.

بادلته يارا الابتسامة واردفت : الله يبارك فيك يا بابا. وكذلك فعل جاسر.

محمود احد رجال الاعمال : كنت مخبي عننا الجمال ده فين يا سليم ،، انا لو كنت شوفت يارا من زمان كنت جوزتها لابني .

ضحك سليم بينما انزعج جاسر واردف بإنزعاج : يارا اتولدت علي اسمي.

ضحك محمود  واردف : باين عليك بتحبها اوي .

اكتفي جاسر بإبتسامة مصطنعة ولم يكلف نفسه عناء الرد ثم اخذ يارا واتجه ناحية اصدقائه ليسلم عليهم ...

علي بفرح لصديقة  : مبرووك يا معلم ،، وكل سنة وانت طيب.

جاسر بإبتسامة : الله يبارك فيك اعبالك .

اكرم : مب**ك يا برنس ،، ثم امسك بيد يارا وقبلها واردف : مب**ك يا عروسة جاسر دايماً كان بيكلم علي جمالك بس انتي في الحقيقة احلي بكتير  ،، وكان ينظر لها نظرات ازعجت جاسر فسحب يدها من يده بقوة المتها قليلاً .

جاسر بإنزعاج وحدة : انت بتتغزل فيها ادامي ما تحترم نفسك .

علي متدخلا : خلاص يا جاسر ما انتي عارف اكرم ل**نه متبري منه .

وهكذا ظلو يتجولون بين الحضور  حتي جائت لحظة الرقصة الاخيرة لنهاية الحفل .... فاخذ جاسر يارا واتجه ناحية مكان الرقص حيث وجدت يديه طريقها لخصر يارا ولفت هي يديها حول عنقه واخذو يرقصو .

يارا بتوجس : جاسر وهو ايه الكلام اللي عمال تقولو من بدري ده .

جاسر بإبتسامة : هتعرفي قريب .

يارا بحزن مصطنع : طيب عرفني .

جاسر بنفس الابتسامة : تؤتؤ قلت هتعرفي قريب .

في نفس الوقت اعلن المايك عن اي ثنائي يريد مشاركة العرسان الرقص.

قام حسام من مجلسه وتقدم ناحية هدي التي كانت جالسة مع والديها و  .... 

حسام وهو يمد يده : تسمحيلي بالرقصة دي .

ابتسمت هدي في خجل واومأت له بنعم ثم وضعت يدها في يده واتجه بها حسام ليرقصو .... حيث وجدت يداه مكان لظهرها ولفت هي يديها حول عنقه  ... حيث لاحظ هو توترها الشديد من اقترابه المحلوظ منها والغير اعتيادي لها .....

حسام بإبتسامة جانبية : مالك .

هدي بتوتر : اا لا ..  ابدا  .. مفيش  ،، كانت تقولها بتقطع فضحك هو بينما ازداد توترها .

حسام بإعجاب : عارفة انك جميلة اوي انهاردة .

انزلت راسها في خجل واردفت هامسة : ميرسي .

وفي نفس الوقت توجه عمر ناحية صوفيا الجالسة مع عز وسوزان والديها واخذ كفها بين يدها و...

عمر لعز : تسمحلي ارقص مع بنتك يا عز بيه ،، ولا اقول يا انكل عز احنا بقينا نسايب خلاص ،، انا أخو يارا .

وافق عز بعد ان علم انه ابن سليم اي ليس بغريب واومأ له ... بينما قام عمر بسحب صوفيا معه ولم يطلب رأيها .. ووقفو بجانب الثنائيان الذي يرقصا ليرقصا هما ايضا ....

صوفيا بإنزعاج : Déraisonnable ( مش معقول ) هي بقت عادة عندك انك تسحبني وراك زي الكلب بتاعك .

رفع هو احد حاجبيه : انتي متاكدة انك جاية من فرنسا .. ثم مين ا****ر اللي يقدر يقول عنك كلب ،، ثم اردف وهو يغمز بهيام : دا انتي غزال .

قالت صوفيا وهي تحاول التملص منه ولكنه احكم محاوطتهُ لها : انت قليل الادب وحيوان ،، ثم اردفت : وسيبني مش عايزة ارقص معاك .

عمر بنرة مرحة لازعاجها : هتغاضي عن الشتايم دي ومش هسيبك عشان انا عايز ارقص .

انزعجت هيا :  انت بني ادم لا تطاق ومستفز .

عمر بفخر : منا عارف .

صوفيا وهي تتمتم : اووووووف .

اتجه اكرم وعلي ناحية ادهم ...

علي : عاش من شافك يا ادهم بيه .

ابتسم له ادهم وحضن كلاهم : ازيكو يا شباب وحشتوني والله .

اكرم وهو يومئ : ههههه ايوة عشان كدي مقطع الاتصالات معانا .

ضحك علي واردف : معلش بقي والله الشغل في فرنسا عليا ومعنديش وقت خالص .

علي : ربنا يوفقك يا صاحبي .

اكرم بمرح : عايزين نقعد اعدة من بتوع زمان قالها وهو يغمز له .

ضحك ادهم واردف بنفي : لا لا اعفيني انا توبت من اعدات زمان دي ،، ضحك كلاهم وظلو بتسامرون احاديث الماضي .

بعد قليل اعلنت الاغنية عن انتهائها وكذلك رقصة كل من الثنائي الثلاث ولكن بطريقة مميزة فما كان الا ان اندفعت الصواريخ بكل مكان مكونة جملة Happy birth day gaser في السماء مع بلالين الهيليوم التي ارتفعت في السماء مع بعض المصابيح الصغيرة الملونة التي ارتفعت في السماء ايضا بينما ارتفعت اصوات التصفيق والتصفير الحار تهنئة للعرسان الميتمان ببعضهما  .......

نظر جاسر الي يارا بحب : عارفة لو مكنتيش بس خطيبتي والناس دي مش موجودة كنت عملت فيكي ايه .

نظرت له بحب ايضا وضحكت : كنت عملت ايه .

رفع يديه امامها واردف وهو يفتح احد اصبعه ثم الاخر : اولا كنت هبوسك وانا مجنون واعملها .. ثانيا كنت هعاقبك لان انا مش عارف انام بقالي اسبوعين من ساعت ما قلتيلي انك مش عارفة انا اخترت انهاردة ليه .

احمرت وجنتيها واندلت راسها ارضا تتحاشي النظر لوجهه .

جاسر بهيام وحب : يالهوي لا انا مقدرش علي كدي انا هجوزك الصبح .

وصل الامر مبتغاه ارفت بهمس بين خجلها : اسكت بقي .

ضحك هو واردف : بس عارفة ده تحلي عيد ميلاد ليا عشان انهاردة خطوبتنا كمان دا هيبقي يوم مميز كل سنة .

يارا بإبتهاج  : يعني عجبتك مفاجئتي .

جاسر بحب : جدا يا حبيبتي ربنا يخليكي ليا .. ثم قبل راسها ،،، ثم التف حولهم الجميع من اصدقاء جاسر ويارا وبدأو بتهنئتهم ثم اخذ مصور الحفله يلتقط لهم بعض الصور مع الضيوف  .. وهكذا انتهي الحفل وبعد قليل كان الجميع رحل تقريبا وكان حسام يودع هدي واهلها وكذلك ودع جاسر اصدقائه ... ولم يتبقي سوي جاسر واهله فقط .

لم تكن سوزان تريد خوض المواجهة مرة اخري في هذا اليوم فهمست لعز بأنها تريد الرحيل وهو اومأ بدوره .

سليم : اتفضلو يا جماعة واقفين ليه .

عز بإمتنان : شكرا يا سليم احنا هنروح عشان الطيارة الصبح ومحتاجين نرتاح .

عمر بسرعة : ايه دا انتو هتسافرو علي طول كدي .

اومأ له عز بمعني نعم واردف : ايوة عشان الشغل ،، وعشان جامعة صوفيا.

سليم بتفهم وابتسامة مصطنعة تحمل الكره : تمام نتقابل تاني انشاء الله.

ابتسم عز واردف : اكيد طبعا هنتقابل كتير بعد كدي احنا هنبقي اهل .

ابتسم سليم بدوره ،، فهو رائع في تزييف الابتسامات فقد عاني الكثير في ماضيه الذي جعله اقوي وقادر علي فعل اي شئ حتي اذا كان هذا الشئ هو الانتقام فسليم في هذه اللحظة وبعد ان رءاهم بعد كل هذه السنين اشتعلت النيران في قلبه التي انطفأت منذ زمن وعزم ان يطفئها مجددا ولكن هذه المرة بطريقة اخري فهو عزم علي الانتقام .. الانتقام من صديقه الذي طعنه في ظهره وحبيبته التي تخلت وباعت بسهوله وكأن شئ لم يكن ... في هذا الوقت سليم لم يري الفرحة في عيون ابنته او لنقول انه اعميَّ عنها لم يأبه بإبنته حين قرر الانتقام منهم في ابنهم لتكون الض*بة القاضية لم يري مصير ابنته في هذا الانتقام كل ما رءاه هو انتقامه ... انتقامه الاعمي الذي سيولد ضحايا بدون علمه .

.......................................................................

بعد ان رحل اهل جاسر استأذن سليم من الجميع وصعد ليرتاح بينما دلف كل من يارا وجاسر الذي لم يرحل بعد وادهم وعمر وحسام للداخل .....

جاسر : ايه ياعم ادهم محدش سامعلك حس من الصبح  .

ابتسم ادهم : ما انا معاكو اهو بتقول كدي ليه .

ضحكت يارا واردفت : ايوة معانا بجسمك لكن عقلك وقلبك في مكان تاني .

عمر بجدية : خلاص بقي سيبك من اخوكي ناو ،، جاسر هي طيارة انكل عز امتي بكري .

استغرب جاسر السؤال واردف : بتسأل ليه .

عمر بتوتر : لا ابدا عادي مجرد سؤال .

جاسر بشك : عموما طيارتهم هتبقي الساعة 8 الصبح .

وجدت الابتسامة طريقها لوجهه عندما علم واردف : تمام ،، انت هتروح توصلهم .

جاسر : لا مظنش .

اومأ عمر ثم اردف : تمام انا طالع انام ،، Good night

ادهم لحسام : حسام كنت عايزك شوية في مكتب بابا .

فهم حسام انه يريد ان يتركهم وحدهم فقام وتوجه لمكتب والده ولحقه ادهم .....

جاسر بهيام : مب**ك يا يويو خلاص بقيتي بتعتي وبس .

ابتسمت له في حب : انا مش مصدقة ان انهاردة كانت خطوبتنا .

جاسر بضحك : لا صدقي وكمان شهرين فرحنا بإذن الله .

يارا بذهول : ايه شهرين .

اومأ لها بنعم : ايوة شهرين انا خلاص مش قادر استحمل حد يبعدك عني .

يارا بتوتر : ايوة بس كدي بدري .

امسك بكفها ليطمأنها ولكنه اردف بضحك : انتي خايفة يتقفل علينا بابا واحد ولا ايه .

بالتأكيد وصلت حمرة خجلها لوجنتا واردفت : لا مش خايفة بس ...

قاطعها هو : مفيش بس انا قولت بعد شهرين وبكري انشاء الله هروح لبابكي الشركة وهنتفق علي كل حاجة .

يارا بإبتسامة تحمل التوتر والخجل : اللي تشوفه يا حبيبي .

جاسر بمشا**ة : ايه ماسمعتش .

يارا : قولت اللي تشوفه انت .

جاسر بمرح : لا الي بعدها بقي .

ضحكت هي واردفت بهمس : يا حبيبي .

جاسر بحب : طالعة منك زي العسل .

وظلو هكذا يتحدثون سويا ... وبعد قليل خرج كل من ادهم وحسام من المكتب واخذو يتحدثون سويا وتمدثو ايضا عن رغبة جاسر في الزواج بعد شهرين ولم يعترض اي منهم ورحب ادهم بالفكرة فرحا لاخته ..

بعد حديث طال قرابة الساعة استأذن جاسر منهم وانصرف عائدا لمنزله .

جلست يارا مع حسام وادهم يتحدثو ....

ادهم وهو يأخذها بأحضانه : حبيبتي كبرت وهتجوز يا اختي كميلة .

ضحكت يارا ثم اخذها حسام من احضان ادهم لحضنه واردف : ايه يا عم سيبهالي شوية حبيبة بابي بقت عروسة .

قامت يارا بإحتضانهم سويا : ربنا يخليكو ليا . ثم قامت من مجلسها فجأه واردفت : انا هطلع اغير واخد شاور وانام وانتو كمان يلا اكيد انتو تعبانين.

تثائب ادهم واردف : اها والله تعبانين انتي بتقولي فيها .

حسام : انا أؤيد هذه الفكرة ،، وكاد يقوم من مجلسه ولكن اوقفته يارا .

يارا : استنو ده بشرط .

استغرب كلاهم ولكنهم انتظرو ان تكمل .

يارا : مفيش شغل بكري انتو الاتنين هتعدو معايا هنا عشان عايزة اكلم معاكو .

حسام بجدية : ايه الاستعباط ده انا عندي شغل مينفعش طبعا .

ادهم بتعب: انا معنديش مانع بس انا كنت هروح معاهم الشركة .

يارا بحزن مصطنع : مهو يا كدي يا هتسهرو معايا للصبح نكلم في اللي انا عايزاه وبردو مش هترحو الشغل . قالتها بطريقة درامية واخرجت ل**نها لهم .

ضحك كلاهم واومأُ بالموافقة واردف حسام : ماشي يا ست يارا هنعد علي قلبك بكري .

يارا بسرور بالغ وهي تلوح بذراعيها : ميرسي ،، انتو احلي اخوات في الدنيا .

ضحك ادهم واحتضنها وقال : ربنا يخليكي لينا يا حبيبتي ،، يلا بقي اطلعي ارتاحي .

صعد كل منهم لغرفته ،، دلفت يارا لغرفتها ثم دلفت للحمام قامت بالاستحمام وارتدت قميص قطني قصير مريح للنوم وخرجت وجلست امام المرآه تجفف شعرها ثم جلست علي السرير منتظرة اتصال جاسر ليطمأنها بوصوله ..

....................................................................

في ڤيلا جاسر

في غرفة سوزان وعز كانت سوزان تحدث عز عما يدور في عقلها ......

سوزان بقلق : انا مش مطمنة لسليم انا حاسة ان ورا هدوئه دا بيخطط لحاجة .

عز بقلق ايضا ولكن بنبرة واثقة ومطمئنة اردف ليطمئها : متخافيش سليم مش هيعمل حاجة سليم عندو اربع ولاد دلوقتي واميد نسي كل حاجة .

سوزان بتوجس : انا مش مرتاحة انا خايفة علي جاسر ،، انا بقول نخلينا هنا كام يوم كمان مش لازم نسافر .

انزعج عز من الحديث فاردف بقوة : سوزان خلاص وهو هيعمل ايت يعني لجاسر وبعدين اشغالنا اللي هناك والمول اللي انتي سايباه وجامعة بنتك .

تن*دت سوزان في قلق واكتفت بإيماءه له ثم نزلت للاسفل لتنتظر جاسر لتطمئة عليه .....

بعد قليل دلف جاسر للڤيلا وهو يدندن ببعض الكلمات حيث سعادته البالغة فوجد سوزان جالسة تشاهد التلفاز ...

جاسر بقلق  : ماما انتي لسة صاحية ليه في حاجة .

سوزان بإطمئنان : لا يا حبيبي انا مجاليش نوم غير لما اطمن عليك .

قبل هو رأس والدته واردف : ربنا يخليكي ليا يا حبيبتي ،، طيب اطلعي استريحي بقي عشان طيارتكو بكري الصبح .

اومأت له وقالت : تصبح علي خير يا حبيبي ،، خلي بالك من نفسك يا جاسر وابقي كلمني علي طول تطمني عليك يا حبيبي .

ضحك هو واردف بإستغراب : ايه بس يا ست الكل شكلك قلقانة من حاجة هو حد هيقتلني مثلا ً.

بادرت هي بسرعة : بعد الشر عليك يا حبيبي ،، ثم ربتت علي كتفه : يلا اطلع عشان تستريح .

قبل يديها وصعد الي غرفته وهو يدندن بينما ظلت هي جالسة في قلق تفكر  ....

دلف جاسر غرفته وكانت مظلمة فأنار نور الغرفة وفجأ بها مليئة بالورود والبلالين وكان يوجد هدية مغلفة علي سريره فاتجه نحوها وفتحها فوجد فيها ساعة ذهبية والبيرفوم الخاص به الذي يحبه ووجد ايضا برواز به صورة له وليارا في فرنسا تحت برجل ايفل فإبتسم تلقائياً ووجد ورقة مكتوب بها حبيبتك للابد ،، استغرب كيف وصلت هذه الاشياء فقرر ان يسأل والدته فخرج من غرفته ونزل للاسفل فوجدها ما زالت جالسة شاردة الزهن .

جاسر : ماما انتي منمتيش ليه .

سوزان : ابدا يا حبيبي كنت طالعة اهو ،، لاحظت انه ما زال ببدلته .

سوزان بإستغراب : في حاجة يا حبيبي .

جاسر : ايوة كنت عايز اسألك اوضتي والحاجات اللي فيها .

ضحكت سوزان واردفت : ايوة دي هدية يارا هي اتفقت معايا وانا عملت الحاجات دي انهاردة بعد ما مشيت مع صحابك .

ابتسم هو لوالدته وارف : تمام انا هكلم يارا عشان اطمنها زمانها لسة صاحية .

ثم صعد الي غرفته مرة اخري ......

..................................................................

كانت يارا جالسة حين رن جرس هاتفها فالتقطته بسرعة ووجدت اسمه الذي يزين الشاشة فردت ...

يارا بسرعة : ايه يا جاسر كل ده في الطريق انت عارف انك قلقتني عليك.

جاسر : براحة براحة...  يا ستي انا وصلت من شوية بس كنت بكلم مع ماما شوية .

تن*دت هي واردفت بمرح : يعني انت كويس يا جدو .

ضحك هو : طبعا كويس خاصةً بعد ما شوفت مفاجأت حبيبتي ،، مفاجئاتك كترو وانا كدي هتغر .

يارا بضحك : عجبتك .

جاسر بحب : جدا يا حبيبتي ....

                                                           ........................................................