Tahimik na nakasandal si Vladymir sa kanyang Maserati habang hinihintay ang kapatid at ama. Makikipagkita raw ang mga ito sa mga Berlusconi at pinilit siyang isama ni Nikolai siguro ay dahil na rin pansin nito na hindi maganda ang hilatsa ng relasyon nila ni Igor ngayon. Kailangan niya raw ipakita na hindi siya sumusuway sa mga utos nito.
Mayamaya pa ay huminto ang itim na limousine ni Igor sa harapan niya. Bumaba ang bintana sa may driver's seat at bumungad mula roon ang nakamaskarang mukha ng isa sa mga drivers nila. Bumukas ang pinto at iniluwa niyon ang pigura ng kanyang kapatid.
"Vlad, get in. Isang kotse lang dadalhin natin."
Sa gilid nito ay nasisilip niya si Igor. Tahimik lamang ito habang may subo-subong tabako. Puno ng usok ang sasakyan ngunit tila hindi iyon alintana ng kan
