"Ah yung lupa ba kamo, Iha?" tanong ni Mister Chui kay Akira noong dumaan siya sa opisina nito. Ito kasi ang caretaker ng lupa at tinituturing na may-ari. "Nabili iyan ni Boss sa isang matanda ng murang halaga. Wala namang anong history sa lupa pero sa pagkakaalam ko habang tinatayo raw yung mga apartment house, nagkaroon lang daw ng kaunting aberya. Renovated na rin kasi iyung mga bahay," sagot nito sa kanya. "Napablessings na rin namin iyan bako pa may umokupa. Malinis ang bahay iha," dagdag pa nito.
"Nakow! Bakit ikaw sabi sinungaling ha, Choi bakit ikaw di magsabi totoo?" sabi ng bagong dating nitong intsik na asawa. "Makinig ka Iha. Ito lupa ay hindi amin ha? Ito pag-aari ng mayamang mag-asawa. Kaso namatay sila pareho. Wala may-ari ng lupa. Kinuha namin ni Choi, gawa apartment. Wa
