“Magandang umaga po, Apo Inton. Ako po iyong tumawag sa apo ninyo na magpapatulong sana sa aking kapatid,” magalang na sabi ni Akira sa may edad ng lalaki noong salubungin sila ng mag-asawa pagkababa nila sa van na sinakyan nila.
“Magandang umaga naman, ineng,” sagot ng matandang lalaki na may dalang abo at dahon ng suha. “Maaari bang malagyan ng aboa ng inyong noo at mapagpag ang inyong kasuotan?” tanong nito sa kanila.
“Ah sige po,” sagot ni Akira. “Kaya lang po ay natutulog pa po ang aking kapatid. Palagi ho kasi siyang natutulog nitong mga nakaraang aarw,” dagdag pa niya.
“Maari ko ba siyang tignan?” sagot ng Apo Inton.
“Sige po,” sagot ni Akira bago binuksan ang pintunan ng van kung saan natutulog ang kapatid.
Humakbang ang matanda upang sana ay tignan ang babae ngunit nanlaki
