Celestine POV.
Papalubog na ang araw nang marating namin ang Blackwood Forest. Habang papalalim kami sa gubat, lalong nagiging makapal ang hamog at mas tahimik ang paligid. Tanging ang huni ng mga ibon at ang tunog ng mga dahong natatapakan namin ang maririnig.
Ilang minuto pa kaming naglakad hanggang sa huminto sa unahan si Vale.
"Everyone, stop."
Agad kaming tumigil.
Sa pagitan ng matatayog na puno ay unti-unting lumitaw ang isang malaking kahoy na kuta. Napapalibutan ito ng matataas na bakod na yari sa matutulis na troso. Sa magkabilang gilid ng tarangkahan ay may dalawang armadong bantay na paikot-ikot ang pagroronda.
Hindi kalayuan sa kanila ay may ilang kabayong nakatali, habang sa loob ng bakuran ay makikitang abala ang iba pang tulisan.
"So this is their hideout huh..." mahi
