MATULING LUMIPAS ANG araw hanggang sa lumapag ang araw ng kasal ng kliyente nila Jessie, Sergi, at Mel. Nasa reception na sila at patapos na ang programa. Nakatambay si Jessie sa swing na nakasabit sa puno sa open area, pinasadya pa nila ang duyan na iyon pandagdag lang sa photoshoot ng newly wed. Malakas ang hangin at pinagkasya niya na lang ang sarili sa itim at manipis na long gown niya. Marahan niyang idinuyan ang sarili.
Fan siya ng mga events, dahil sa mga kaganapang ganoon ay normal na masaya. Maraming konsumisyon at problema muna ang kahaharapin pero sa dulo naman niyon, lahat ay uuwing masaya. At busog. Pero ang pinakapaborito niyang pagdiriwang ay ang kasal. Hindi lang kasi iyong mismong araw ang paghahandaan at ipagdiriwang kundi ang buong istorya ng dalawang taong pinagsama n
