Maagang nagmulat ng mata si John kinabukasan. Ramdam niya pa rin ang kirot ng katawan na parang bawat paggalaw niya ay may kasamang hapdi. Ngunit higit pa roon, mas mabigat ang bigat na nakapatong sa kaniyang dibdib.
Ang banta ni Edgar na baka ulitin pa ang pananakit kung hindi susunod si Shayne.
'Tangina ng hayop na iyon. Akala niya natatakot ako sa kanya. Mukha lang walang-wala ako ngayon dahil gusto ko, low-key lang. Pero hindi niya alam may koneksyon na rin ako at pera.
Tahimik siyang bumaling sa kanan at nakita ang nobya niyang nakatulog sa sofa katabi ng kama niya. Halata ang puyat at pagod sa mukha ni Shayne habang namamaga ang mga mata dahil sa kaiiyak.
Kahit sa ganoong itsura ni Shayne, maganda pa rin ito sa paningin ni John. Pero kasabay ng paghanga, naroon ang matinding pan
