Nagpanggap akong tulog nang dumating kaninang madaling araw si Utt. Inabangan at pinaghandaan ko talaga ang pagdating niya dahil gusto kong makasiping ang asawa ko. Baka sa pagtatalik namin ay bumalik ang dating warmth ni Utt sa akin. Baka mapatunayan kong mali lamang ang suspetsa ko na iniiwasan niya ako, at marami lang talaga siyang trabaho.
I wanted to hug him and ask him if he ate the food I cooked for dinner. Napansin ko kasi na nangangayayat ang asawa ko kaya ang una kong ginawa ng matanggap ko ang aking suweldo ay mamalengke tuwing uwian upang ipagluto si Utt ng masasarap na putahe.
Nasubukan ko na magluto ng potchero, kaldereta, kare-kare, chopsuey, menudo, afritada, ginataang isda, adobo, sinampalukang manok, pakbet, adobong puset, lemon shrimps, lemon chicken, bagnet...
