Bumaba ako sa hagdan ng mansion ni Don Emilio at agad na lumabas ng bahay. Nakita ko si Don Emilio sa malapad at mala-paraisong garden at kinawayan niya ako.
"Kumain ka na ba?" tanong nito habang kumakain siya ng prutas. Umiling ako. Wala kasi akong gana kumain. Sino pa ba ang magkakagana kumain kung marinig mo mismo sa asawa mo na may mahal pa rin siyang iba?
Ang sama ng pakiramdam ko. Pakiramdam ko ay nagsama-sama na ang pagod, sakit ng katawan, puyat, stress, at sama ng loob ko at parang tatrangkasuhin ako.
"Saan ang iyong punta, Utt?" tanong ni Don Emilio nang makalapit ako sa kanya, upang mag-mano.
"Pupunta lamang po ako sa kubo namin." Matipid kong sagot, at tatalikod na dapat sa kanya upang tumungo sa Pajero.
"Sandali lang, iho." Pigil ni lolo. "Maupo ka mun
