صفعات الزمان

6

حسيت ان الدنيا بتدور بيا والسواد بيلف حوليا، وفضلت في الحالة دي لحد ما فقت لقيت نفسي بقيس الضغط في صيدلية وسواق التا**ي بيشربني مية بسكر..

شكرته لشهامته وطلبت منه يروحني بيتي، وصلنا ورفض ياخد اي فلوس وسابلي رقمه عشان لو احتجت حاجة، طلعت شقتي حاسة اني في غيبوبة، مش مستوعبة اللي حصل، خدت مسكن قوي ودخلت انام فورا..

وفي منتصف الليل سمعت صوت في نومي، صوت طفولي بيقول:

"يا ميس فاتن"

الصوت كان بيتردد جوة وداني زي صدى الصوت، ومن كتر ما اتردد صحيت وانا قلبي بيدق وجسمي عرقان، شربت شوية مية كانوا جمب السرير وحاولت انام تاني..

بس بدأ الصوت يجي من برة وداني، من تحت السرير..

"يا ميس فاتن انا بحبك"

جسمي كله اتجمد زي الأموات، وعنيا برقت من الفزع وانفاسي وقفت عن الخروج..

"يا ميس مبترديش عليا ليه"

ص*ري بيطلع ويهبط بسرعة رهيبة وقلبي بيدق بعنف

"يا ميس ردي عليا"

وفجأة سمعت صوت حركة حاجة بتزحف تحت السرير،  وظهر كريم، كان واقف قدام السرير بيبصلي بهدوء، عنيه كانت شاخصة مفيهاش أي اثر للحياة ووشه ابيض زي التلج..

قرب مني وحط ايده على ايدي، اول ما لمسني حسيت بلوح تلج نزل عليا، جسمي اتنفض مرة واتنين وعشرة، ل**ني اتشل عن الحركة، لقيته اتكلم وقال:

- مش هنلعب يا ميس

فضلت اتشنج مكاني واشهق بدون اي كلمة، كمل كلامه وقال:

- انتي وعدتيني يا ميس، ولا هتعملي زيهم ومتلعبيش معايا

فضلت بصاله بفزع ومبنطقش:

- يا ميس انا كدا هزعل

وبدون مقدمات لقيت رقبته اتحركت بطريقة مخيفة وات**رت خالص، سمعت صوت طقطقة العظم، راسه بقت ساندة على كتفه بطريقة مرعبة، وبدأ يصرخ، يصرخ..

حسيت وقتها اني بموت، روحي بتخرج مني، صوته بدأ يزيد وسمعت صوت حاجات بتت**ر في الشقة، وبدأت انازع عشان اتكلم، صوتي كان بيتحشرج:

- خخخلاص هلللعب معاااااك

لقيت رقبته اتعدلت وابتسم ووقف عن الصراخ:

- طيب هنلعب هنا ولا في الحضاني

- اننننت هنااااا بتخوفني، نلعب في الحضانة

- خلاص مش هزورك هنا تاني، بس نلعب في الحضانة

- مااااشي

- يالا بقا نغني ألف باء

وبصوت متحشرج وبينازع ودموع الخوف بتنزل مني:

- أ  أرررنب

- أ أرنب

- ب بببطة

- ب بطة

في النهاية اغمى عليا تماما، صحيت من نومي جريت زي المجنونة على الحضانة، دخلت مكتب المديرة وسألتها عن كريم، بلغتني انه كان طفل معقد بسبب تربيته الشديدة ومشاكل والده ووالدته، وده للأسف انع** على علاقته مع الأطفال وبقا الكل بيتنمر عليه..

وفي النهاية وقع وهو بيتمرجح من شهر تقريبا ورقبته ات**رت وتوفى..

أحمد

ومن يومها بدأ يظهر طول اليوم في الحضانة بس، اشوفه في الفصل في اخر دكة، بعد الفسحى يقعد على المرجيحة وافضل امرجحه بيها، وبعد اسبوعين استدعتني المديرة وقالتلي اني مفصولة من العمل بسبب سلوكي الغريب..

عرفت ان فيه زميلة اسمها ميس علياء بلغت اني بفضل بعد الفسحى اكلم نفسي واهز في مرجيحة فاضية، واني خطر على الاطفال، ولما المديرة تأكدت فصلتني من العمل..

ليلتها شوفت كريم غضبان اوي، وكل اللي قاله انه مبسوط انه عرفني، وانه خلاص هيروح لمعلمة تانية في الحضانة وقبل ما انطق سمعته بيقول:

- هروح العب مع ميس عليا

كان امين ساب القصر الرئاسي في كابول , وراح لقصر تاج بيج , الى كان مقر للجيش زمان ومحصن جامد جدا , ومؤمن بالدبابات والاسلحة والجنود , ولحد ما السوفييت هجموا عالقصر امين كان لسه مش مصدق انهم هيعملوا فيه كده

........... هى ايه الحكاية من الاول ومين آمين ده وايه علاقته بدخول روسيا ل أفغانستان ؟

طيب هي ليه أفغانستان دي محط توتر وقلق ل امريكا وروسيا والعالم كله مشغول بحكاية طالبان والحكم  ؟ عشان نعرف المستقبل لازم ناخد لفة في الماضي عشان تعرف ان البلد دي عمرها ما هديت ابدا , دول علي رأي المثل ياما دقت ع الراس طبول  , طب هي ايه الحكايه بقي من الاول ؟

ركز بقي يا سيدي عشان نفهم لان الموضوع مبدأش من كام سنة , لا , ده من زمان قوي , نبدأ منين ؟ من عند المكان , هى أفغانستان دي فين اصلا ؟

أفغانستان هى دولة في قارة اسيا , ليها حدود مع ايران و با**تان و دول اخري يمكن مسمعتش عنهم زى تركمنستان و اوزبا**تان , و خلف الدول دى الصين وروسيا يعنى قريبين شوية من أفغانستان  ,

أفغانستان معناها ارض الافغان ولقبها ارض الشمس , وجاية من كلمة آريان و آري هو الرجل النبيل , لا دى بلد قديمة وليها حضارة من زمان قوي , يكفي انها كانت من ضمن الدول الى فتحها الاسكندر الاكبر ضمن فتوحاته في 330 قبل الميلاد ,

طيب تعالى نقفز كده لحد سنة 624م , موعد الفتح الاسلامي ل أفغانستان , كانت بقيادة نعمان بن مقرن المزنى و بخطة عمر بن الخطاب رضي الله عنه ,

موقع أفغانستان من زمان وهو مميز كانت ضمن طريق الحرير الى بيربط تجارة اسيا و اوروبا والعرب , وفيها آثار لغاية دلوقتى للمباني الي كانت استراحة للمسافرين و البعير من اكتر من 1500 سنة , يعنى موقع البلد مهم لكل الاطراف ,

طيب تعالي نقفز بالزمن تانى لحد سنة 1839-1842 م

عشان ده كان موعد الحرب الافغانية ضد الهند-انجليزية (كانت الهند مستعمرة انجليزية في الوقت ده ), كان حاكم أفغانستان هو دوست محمد خان , الى نفوه خلال الحرب الى الهند وبعد ما خلصت الحرب رجع يحكم أفغانستان تانى , مع انها كانت محتلة من بريطانيا

طب ايه ن*دي بقي ؟ لأ , سنة 1878م ترجع الحرب الافغانية ضد الهند –الانجليزية ويبقي اسمها الحرب التانية , وكان الحاكم وقتها في أفغانستان هو الامير  شير علي خان ابن  الامير دوست محمد خان , وبسبب صداقة شير علي خان مع الروس , خسر الحرب مع الانجليز وهرب ومات في المنفي , وفضلت أفغانستان محمية بريطانية

هنقفز تانى لسنة 1919 م , وقت ما كان عندنا سعد سعد يحيا سعد , كانت أفغانستان علي موعد مع الحرب الثالثة من دولة الهند الانجليزية , والى قدرت فيها افغانستان تحصل علي استقلالها من دولة بريطانيا العظمى , بس ضغطوا علي امير البلاد وقتها , امان الله خان , انه يتنازل عن عرش الامارة الافغانية و مات في المنفي .

كل الحروب دي كانت بسبب خوف بريطانيا من روسيا انها لو دخلت علي أفغانستان ممكن تهدد مصالحها في الهند ويعملوا قلق ,

ن*دي بقي ؟ لأ ,

من 1928 ل 1929 م , كان موعد حرب اهلية بين جماعة السقاويين وجماعة محمد نادر خان الى صعد علي العرش لمملكة أفغانستان – تحولت لمملكة وقتها – لحد سنة 1933م اغتيل الملك محمد نادر خان و بعدها تم تنصيب ابنه , محمد ظاهر شاه علي حكم مملكة أفغانستان ,

اهو محمد ظاهر شاه ده بقي هو اخر ملوك أفغانستان ,

فضل حاكم مملكة أفغانستان من سنة 1933م بعد اغتيال والده لحد سنة 1973م ,

في الوقت الى كان عندنا خط بارليف والدنيا قايمة مش قاعدة ومحدش فايق يدور ورا حد , سافر الملك محمد ظاهر شاه ل ايطاليا يعمل عملية و هوب , ابن عمه محمد داود خان راح عامل انقلاب وقلب البلد جمهورية وبح كده مفيش ملوك تانى تيجي هنا , ولقب نفسه رئيس الجمهورية , الرئيس محمد داود خان , هو خان فعلا ولسه هيتخان تانى ,

ايه الي حصل بقي , سنة 1978م , حصلت ثورة – ثور –

في يوم 27 ابريل سنة 1978م , كان يوم خميس ,  الصبح بدري , دخلت القوات العسكرية الي تابعة للحزب الديموقراطي الشعبي وهم ضد الرئيس , دخلوا ابواب القصر الرئاسي الافغاني في العا**ة كابول ,

دخلت القوات بالدبابات و السلاح والمشاة , وفي الجو كانت الطائرات التابعة للسلاح الجوي الافغاني بتدك القصر بالي فيه ,

قتلوا الحراسة كلها , حتى ان محمد داود خان و اخوه نعيم  طلعوا بالسلاح يواجهوا المتمردين , واتقتلوا محمد ونعيم ومعظم اسرتهم ,

شهود العيان علي اليوم ده قالوا انهم شافوا دخان كثيف طالع بالقرب من مبني وزارة الدفاع , و سمعوا ض*ب نار عند مبنى وزارة الداخلية , وبعدها بوقت قصير شافوا الطيارات الحربية محلقة فوقهم علي مسافة قريبة جدا وسمعوا الض*ب عند القصر الرئاسي في كابول ,

بليل تم اذاعة الخبر , نعلن نحن فصيل  - خلقي -  انه قد تمت الاطاحةبنظام محمد داود خان , وبعدها هجموا بالطائرات علي القصر مرة اخري يكملوا فيه ض*ب .

بعد نشر خبر مقتل الرئيس محمد داود خان سيطروا المتمردين علي كامل البلاد , دول طالبان؟ لأ , لسه بدري , دول متمردين من احزاب سياسية ,

عشان تفهم الي حصل وقتها , في أفغانستان كان فيه حزبين مسيطرين علي البلد هما (حزب – خلقي –) و (حزب –البرشم )

بالراحة كده بقي ,

حزب خلقي فيه اتنين بس احفظ اسمهم هما , تاركي – وده بقي رئيس الوزراء

و حفيظ الله امين , وده بقي وزير الخارجية

حلو ؟ حلو

والحزب التانى , اسمه حزب البرشم , وده احفظ منه اسم واحد هو , كرمال , وده كان نائب رئيس الوزراء يعنى نائب ل تاركي

بعد توتر في الحزبين , تم ارسال , كرمال , الى هو من حزب البرشم , **فير لتيشكوسلوفاكيا , وبعدها اكتشف تاركي وحفيظ الله امين مؤامرة عليهم من كرمال كان هينفذها الجنرال عبد القادر قائد ثورة – ثور -  فتم نفي كرمال مع عدد من اعضاء الحزب , يلا هنروح باي ومفيش عودة

بس في سبتمبر 1979م , حفيظ الله امين يعمل ثورة علي رئيس الوزراء تاركي و ياخد الجرين كارد من روسيا انه يعدم تاركي وفعلا تم اعدام تاركي علي يد امين .

امين بقي كان مع الاتحاد السوفيتي , واثق فيهم و مديهم الامان التام , وبدأ ينشر دعاية لنفسه وسط الشعب , انه اه هو صديق للسوفيت بس هو مسلم قوي و مؤمن ومش شيوعي ولا إلحادي زى ما بيقولوا عليه بص لا ده انا بصلي وصايم كمان ,

وعمل امين مساجد جديدة ورمم المساجد القديمة و وزع مصاحف علي ا****عات الدينية و جعل الشيوخ يطلعوا يقولوا انه احنا متأكدين انه حفيظ الله امين مسلم وتقي ,

لا ده طلع اقنع الناس كمان انه ثورة – ثور – معمولة اصلا عشان تدافع عن مباديء الاسلام , ولكن جزء من الشعب كان شايف ان كل ده كدب سياسيين وكانوا شايفينه مستبد , بس برضه يوم 20 سبتمبر 1979م تم تعيينه رئيس للبلاد بمباركة علماء الدين

نيجي بقي عند واحد اكيد فاكر اسمه , كرمال , كرمال ياعم الى اتنفي مع عدد من المسؤولين , قرروا بقي مع بعض يعملوا ثورة علي امين ,

بيقولوا ان المتغطي ب امريكا عريان , بس المتغطي بالسوفييت لابس بشكير نص متر مش عارف يستر ايه ويسيب ايه ,

الى حصل ان السوفييت وقتها انقلبوا علي امين صديقهم ,

في ديسمبر 1979م , تم عقد معاهدة تعاون وصداقة بين السوفييت وبين جمهورية أفغانستان , وانه لو أفغانستان احتاجت اى تدخل عسكري من السوفييت فورا هيبعتوا لها الى تحتاجه في أي وقت يعنى اسرع من دليفري ماك .

في الوقت ده بقي بدأ يحصل مناوشات كده بين حفيظ الله امين وبين ا****عات الجهادية الاسلامية , وكانوا السوفييت غسلوا ايديهم ووشهم واتوضوا كمان من امين , فلما طلب منهم التدخل والمساعدة ضد ا****عات الجهادية اتفقوا انه اوكي , هندخل نخلصك منهم , بس بينا وبين بعض كده احنا هنخلص علي امين الاول ,

حاولوا يسمموه كذا مرة , وكل مرة كان بيفلت منها , مات قرايبة وبعض الوزراء في حوادث العشاء المسمم المتكررة  , ولكن كانوا بيلحقوا امين ويعيش وهو بيقول فلت منيهم ,

لحد ما قرروا السوفييت القيام بالعملية – عاصفة 333- , ويوم 25 ديسمبر 1979م دخلوا العا**ة كابول ,

كان امين ساب القصر الرئاسي في كابول , وراح لقصر تاج بيج , الى كان مقر للجيش زمان ومحصن جامد جدا , ومؤمن بالدبابات والاسلحة والجنود , ولحد ما السوفييت هجموا عالقصر امين كان لسه مش مصدق انهم هيعملوا فيه كده , دخلوا طبعا القصر وقتلوا امين , وقعدوا تقريبا الشمس عجبتهم فقرروا ميرجعوش دلوقتي الا لما الحكم يستقر والبلاد تبقي في امان

حرب الكر والفر بينهم وبين الافغان خصوصا ا****عات الجهادية كانت حرب شوارع , او بالاصح جبال , حرب جبال واهل الجبال ادري بيها , اهلكوا الجنود السوفييت الى كان ردهم علي الافغان بالدك , يعنى ايه

يعنى انت مستخبي في بيت جنب الجبل انا لسه هدور عليك ؟ انا ادك الجبل الاول وبعدين ادور في الجثث براحتى , ولأن السوفييت خلقهم ضيق و ميعرفوش العاطل من الباطل مات الاف الاف المدنيين في الدك ده ,

طب والعالم كان فين بيصيف ؟ لأ العالم كان ضد الي بيحصل ده , خصوصا امريكا , الى عملت عقوبات علي السوفييت و وقفت تصدير السلع الالكترونية والحبوب للسوفييت كوسيلة ضغط عليهم ,

والى فضحهم اكتر هى اولمبياد موسكو 1980 م , الى قاطعوها اكتر من 60 دولة , رفضا لدخول السوفييت ل افغنستان , بالرغم من ان الفترة دى كانت صعبة في العالم كله , كان ده وقت ازمة الثورة الايرانية ورهائن امريكا المحتجزين – اتكلمنا عنهم قبل كده – و حرب ايران والعراق و اجتياح اسرائيل ل لبنان وكانت ليلة كبيرة قوي سعادتك ,

بس بالرغم انشغالهم كانوا مركزين مع أفغانستان , الى اتقال ان امريكا و الصين وبعض الدول كانت بتمول وتصرف علي ا****عات الجهادية وحركة المقاومة الافغانية ضد السوفييت , وكانوا كمان بيروحوا لبا**تان يتدربوا هناك ويرجعوا يكملوا ض*ب في السوفييت

حتى قيل  ان امريكا تبرعت لهم بنظام الصواريخ المضاد للطائرات عشان يحصل خساير في القوات الجوية السوفيتية , يعنى من الاخر امريكا كانت بتحارب السوفييت في أفغانستان وفضلوا كده لحد سنة 1988م

بعد بهدلة طويلة للطرفين وخساير ملايين من الجنود السوفييت والمدنيين والمجاهدين الافغان ومليارات الدولارات , قرروا خلاص الانسحاب ,

اتفق الرئيس الروسي غورباتشوف مع الرئيس الامريكي ريغان , ان الروس ينسحبوا من افغانستان , وعملوا هاند شيك وشربوا ميلك شيك والدنيا حلوة في جينيف , بس بشرط ايه هو ؟

مشيوا الروس من أفغانستان وهما سايبين وراهم محمد نجيب الله عشان يمنع وصول المجاهدين الافغان للحكم , ولكن بعد رحيل السوفييت حصلت حرب اهلية في أفغانستان من سنة 1989م  ل 1993م بسبب صراع الفصائل والاحزاب علي السلطة والسيطرة ,

ايوة اللحظة الى انت مستنيها جت اهي , هو ده بقي وقت ظهور جماعة طالبان الافغانية , ليه طالبان الافغانية ؟ عشان في جماعة اخري وهى طالبان البا**تانية ,

طالبان دول بقي كانوا من محاربي ضد الجنود السوفييت , كانوا بيتدربوا في با**تان بدعم امريكي عشان يحاربوا السوفييت ,

وسط بقي المعمعة والفوضي الي فيها البلاد دي , جماعة طالبان خدوا بعضهم واستولوا علي ولاية قندهار واعلنوها انها مقر حكمهم وانها من اليوم ولاية اسلامية

وزحفوا بعدها الي العاصة الافغانية , كابول ,

طالبان اتأسسات سنة 1994م علي ايد الملا محمد عمر , وكانت وقتها مجرد ميليشية عسكرية دينية , لكن لما استولوا علي كابول , اعلنوا ان أفغانستان هى امارة اسلامية , وخرجوا طلبة المعاهد الدينية يبايعوا الملا محمد عمر انه الامير

سنة 1996م , اعترفت با**تان ب ان حكومة طالبان شرعية و اعترفت ب امارة أفغانستان , وبعدها عملت كده السعودية ثم الامارات , و .... و بس , هما دول ال 3 دول الي اعترفوا بحكومة طالبان و ب امارة أفغانستان  وقتها ,

وكان ده موعد حرب اهليه اخري من سنة 1996م ل سنة 2001 م , مش بقولك عمرهم ما هديوا كده وشربوا شاي في أي بلكونة

في 11 سبتمبر 2001م , التاريخ الذي لا يخفي علي احد , حادث البرجين الشهير , واعلان امريكا ان المسؤلين هما تنظيم القاعدة بقيادة اسامة بن لادن ومقرهم في أفغانستان , طلبت امريكا من طالبان تسليم تنظيم القاعدة بالكامل وبالاخص اسامة بن لادن , وطبعا رفضوا طالبان , وقالوا لهم مفيش معاكوا دليل عشان نسلمكم التنظيم ,

في 22/9/2001 م , نتيجة ضغوط دولية انسحبت السعودية والامارات من الاعتراف ب امارة أفغانستان وحكومة طالبان , يعنى محدش معترف بيهم غير با**تان فقط لا غير ,

في اكتوبر 2001 , قرروا امريكا وبدعم من المملكة المتحدة القيام بعملية برية داخل اراضي أفغانستان عشان ينزلوا طالبان من الحكم , وسموا العملية دى , عملية الحرية الدائمة

و يوم 7 اكتوبر 2001 م بدأت العملية ,

و يوم 17 / 12/ 2001م اطاحت امريكا بحكومة طالبان من حكم افغنستان , وعملوا قواعد عسكرية امريكية

هربوا جماعة طالبان الافغان ل جماعة طالبان با**تان

و في ديسمبر 2001 م , اختارت الامم المتحدة حامد كرازى رئيس للبلاد وعملوا اشراف علي العمليات العسكرية وتدريب القوات الافغانية النظامية ,

سنة 2014م تم تسليم السلطة من الرئيس الافغاني حامد كرازي الي الرئيس اشرف غني , الى هرب وبتشوف اسمه في الاخبار دلوقتى وقيل انه هرب ل الإمارات

ومن سنة 2002 م لحد 2021م وطالبان بتحاول ترجع للحكم تانى ,

علي مدي عشرين سنة تقريبا , والتوتر في المكان مهديش ,

الجزء ده بقي عن خساير حرب امريكا في افغانستان هنقله لكم زى ما اتكتب في التقرير بالظبط

"((التكلفة البشرية للحرب في أفغانستان

وعلى مدى قرابة 20 عاما، وصل عدد قتلى الجيش الأمريكي في أفغانستان 2448 جنديا، حتى أبريل 2021، كما قُتل خلال ذات الفترة نحو 3846 من المتعاقدين الأمريكيين.

وقدرت خسائر الجيش الأفغاني والشرطة بنحو 66 ألف قتيل، وبلغت الخسائر البشرية من عناصر الدول الحليفة وحلف الناتو 1144 قتيلا.

كما تسببت الحرب بمقتل أكثر من 47 ألف مدني أفغاني ، و51191 قتيلا من المسلحين، كما شهدت الحرب مقتل 444 فردا من عمال الإغاثة، و72 من الصحفيين، ومن أصل 775 ألف جندي أمريكي أصيب نحو 20 ألف منهم