صفعات الزمان

7

التكلفة المادية للحرب في أفغانستان

تقول وكالة "أسوشييتد برس"، إنه بحلول 2050، من المتوقع أن تصل تقديرات فوائد قروض الولايات المتحدة من أجل الحرب إلى 6.5 تريليون دولار.

وأنفقت الولايات المتحدة وحدها أكثر من 140 مليار دولار على شكل مساعدات لأفغانستان منذ عام 2002 حسب الكونجرس، وقدر "البنتاجون" كلفة العمليات القتالية الأمريكية بما في ذلك دعم القوات الأفغانية بما يزيد عن 820 مليار دولار في المدة الزمنية نفسها ؟))"

طلع جو بايدن لما اتهموه ان طالبان  اخدت الحكم بسبب الانسحاب الموضوع الغير منظم الى قررت للقوات الأمريكية قال لهم بايدن مش لازم استنى جنود تانية من عندنا تموت عشان ننسحب اهو انسحبنا وخلاص

عشان تاخد فكرة عنهم ده جزء من المقتتفات الى اتقالت عن الفكر لتنظيم طالبان :

ايران علي خلاف معاهم لخوفهم من نشرها المذهب الشيعي وهما سنة ,

روسيا و الهند بسبب قرب المسافة كمان قلقانين منهم ,

جماعة طالبان بترفض لفظ ديموقراطية , لان ده بيسمح للشعب بالتدخل في الحكم , و الحكم لله وحده

وبترفض أي حزب سياسي لأن الشريعة الدينية هى الي بتحكم البلد

امير المؤمنين هو الخليفة ولا يعزل الا بالموت والعجز

لبس العمامة اساسي واطلاق الحي للرجال والحجاب للنساء

الموسيقي والغناء والمسارح والفنون هى حرام تماما

عمل المرأة خارج المنزل م***ع الا لضرورة

طلعت كمان خبر قي جريدة اجنبية انهم طلبوا بقائمة لكل الأسر الى عندهم بنات من سن 14 ل 40 عشان يوزعوهم علي المجاهدين كزوجات

وبيشرف علي كل ده هيئات الامر بالمعروف والنهي عن المنكر , ده كلام اتقال مدى صحته الله اعلم بيها

 طيب خد شوية مانشتات اخبار حصلت السنة دي بس , ...

في 18 مارس 2021م , قتلى في تفجير حافلة تقل موظفين حكومة اجانب في العا**ة كابول و مصرع 9 عسكريين بسبب تحطم طائرة مروحية بصاروخ واتهموا طالبان و لكن نفت

في 17 يناير 2021م , اغتيال قاضيتين , امرأتين أفغانيتين , بيشتغلوا في المحكمة العليا الافغانية ب كابول ,  اغتالوهم لانهم ستات بيشغلوا منصب القضاء وكالعادة نفت ا****عة عن نفسها التهمة

في 10 مايو 2021م تم الهجوم بتفجير علي مدرسة سيد الشهداء للفتيات , بالعا**ة كابول من ا****عات الجهادية وكانوا القتلي بين 60 و المصابين فوق ال 100 .

دى كانت نقطة في بحر التفجيرات والقتل الي بتحصل من ا****عات الجهادية في افغانستان ,

في 2021م اعلن الرئيس الامريكي جو بايدن انسحاب القوات الامريكية من افغانستان بعد خسارة مليارات الدولارات و الاف الارواح للطرفين وبهدلة 20 سنة  , وبعده طلعت انجليلا ميركل رئيسة المانيا انها هتسحب قواتها من هناك وقالت ان الوضع هناك مقلق  ,

بعدها بفترة وفجأة كده , صحينا لقينا طالبان رجعت الحكم تانى و الرئيس اشرف غني هرب بره البلاد , وشوفنا مناظر هروب مئات الافغان علي أي طيارة رايحة اى حتة الا بلدهم و ذعر بالذات من النساء , حتى منظر تكدسهم في ارضية الطائرة الحربية الامريكية كان مخيف ولا انسانى , وبرغم المشهد ده طلعت روسيا والصين واعلنوا دعمهم لوصول طالبان للحكم وان دى خطوة نحو استقرار البلد هناك

ده جزء من رأي المحليين في امريكا علي ع** روسيا والصين عن الى حصل هنقله زى ماهو عشان تاخد فكرة ليه في دول قلقانة من الى بيحصل

"قال إيهاب عباس المحلل السياسي الأمريكي،  تعليقا على اقتراب حركة طالبان من السيطرة على العا**ة الأفغانية كابول، إننا نشهد لحظات تاريخية لـ ولادة مرحلة جديدة من الإرهاب على مستوى العالم .

تابع إيهاب عباس:" عدد جنود حركة طالبان حوالي 20 ألف فرد فقط  وما تملكه حركة طالبان من أدوات للقتال لا تقارن لما يملكه الجيش الأفغاني ولكن ال*قيدة  القتالية لحركة طالبان عقيدة انتقامية من امريكا والقادة الأفغان )

كده الحكاية وقفت هنا لغاية دلوقتي

طيب ايه حكاية انهم لقوا ليثيوم هناك ؟

حاليا افغانستان تورتة 7 ادوار بالفواكه والشيكولاته , ليه ؟

عشان تحت الجبال والفقر والحياة المخيفة دى , منجم للمعادن النفيسة اولهم معدن الليثيوم , الى بيستخدم في صناعات كتير جدا من ضمنها ادوية اضطراب ثنائي القطب , ووقعت الصين حوالى 20 عقد عشان تدخل تحفر وتطلع بالليثيوم من ارض الافغان الى هى حاليا واحدة من افقر دول العالم .....

جدير بالذكر أن لغتهم هناك هى الداري و الباشتو

ومن ضمن معالم البلد السياحية  قصر دار الأمان  و حدائق بابور و تماثيل  باميان الى يوم الأربعاء إلى فات ده فجروا التماثيل الى فيها بصواريخ

, يا تري أي الي هيحصل بعد كده الله اعلم , النفائس في ارض الافغان زمان طلع منهم

جمال الدين الافغانى و جلال الدين الرومي وابن حبان والقاضي عبد الجبار و العالم ابو داود ( سنن ابو داود) , كانت لفترة طويلة بلد عادية ناسها عايشين يوم مر ويوم حلو  شبه اى بلد  قبل ما تبقي بلد مخيفة اخباره العالمية كلها مآسي و عنف ,

بس ياتري هيطلع منها ايه تانى للعالم محدش لسه عارف , .....

لو شايف ان المقال طويل ف انا اختصرت ليك ١٥٠٠ سنة في مقال واحد

لو شايف ان المقال صغير فمكنش ينفع نطول بتفاصيل  اكتر من كده

ولو عجبك

متنساش تتفاعل مع البوست عشان توصلك القصص الجديدة دايما باذن الله

"اول مرة اشوف راجل بالبشاعة دي"

مكنتش اعتقد في حياتي ان في ناس شكلها ب*ع للدرجة دي، لدرجة ان جسمك يقشعر اول ما تشوفهم، او تسمع صوتهم، او حتى تحس بوجودهم، كأنهم شياطين لبسوا ثوب البشر، وانا كان قدري اقع مع شخص منهم، شخص طوله مكنش يتخطى متر واربعين سم، بس حضوره كان طاغي وكأنه عملاق مخيف..

البداية كانت مشكلة السكن، لاني كنت هلتحق بجامعة حلوان، والسكن الجامعي كان بياخد اللي داخل انتظام مش انتساب، وانا مجموعي كان قليل ودخلت انتساب، وظهرت مشكلة السكن، وبدأت ادور هنا وهناك عشان الاقي مكان كويس ووالدي كمان يوافق عليه..

وكانت النجاة لما خالتي اتصلت بيا وقالتلي انها هتوصلني ببنت تعرفها هتسكن في شقة في مكان قريب من حلوان هي وصحباتها..

وبالفعل اتصلت بيها ورحبت جدا بيا وقالتلي انهم تلت بنات وانا الرابعة، ودخلت في صراع مع والدي عشان يوافق لان دي احسن فرصة عشان ادرس في جامعة حلوان..

وبالفعل كام يوم ووصلت رمسيس ومنها ركبت لحلوان وسألت على العنوان لحد ما وصلت المكان، المكان كان مقفر اوي، ارض واسعة فيها عماير قليلة ومتباعدة عن بعضها، وعن يمين العماير دي كانت المقابر، حسيت برهبة كبيرة اول ما وصلت المكان، نزلت من التا**ي وبصيت للبناية من برة..

حاجة كدا شبيهة بأفلام الرعب، حاولت اتجاهل خوفي ودخلت العمارة، كنا هنسكن في الدور الأول، خبطت على الشقة وفتحتلي علا، البنت اللي كلمتها، رحبت بيا اوي وعرف*ني على سها وليلى اللي معاها في الشقة، ولما سألتها عن غرابة المكان قالتلي ان الشقة سعرها رخيص جدا وقريبة من الجامعة، غير ان المكان امان..

مرضتش اضايقها بسؤالي وتقبلت الأمر نوعا ما، وبدأت الدراسة، كانوا التلاتة في كلية صيدلة، وتقريبا كنت بشوفهم وقت النوم بس، يمشوا بدري اوي ويرجعوا متأخر جدا..

اما انا فدراستي كانت تلت ايام بس في الاسبوع، وللأسف كنت بضطر اقعد كتير في السكن لوحدي، ويوم بعد يوم تأقلمت ع الموضوع نوعا ما..

لحد ما في يوم كنت راجعة من الجامعة وبفتح باب الشقة، وفجأة اتفتح باب الشقة اللي قصادنا وظهر على عتبتها اب*ع كائن انا شوفته في حياتي، كان راجل من سلالة الاقزام، عنيه جاحظة ووشه اسود ومناخيره ملتوية بطريقة غريبة، شعره كان طويل واكرت وجسمه مليان..

اول ما شوفته استعذت بالله من الشيطان الرجيم واتنفضت، بصتله بخوف عشان يبتسم ابتسامة ب*عة، شوفت اسنان متآكلة وسودة، بصلي بصات فجة، و**ة وتأمل جسمي كله تقريبا واتكلم، صوته كان رفيع وحاد، كأنه صوت فار مش انسان:

- ازيك يا عروسة

حسيت اني شوية كمان وهيغمى عليا قدامه، فتحت الباب بسرعة وانا بقول:

- اهلا اهلا

وقفلت الباب فورا، وقفت اخود نفسي بصعوبة واحاول اني اطير صورته من ذهني، انا مش بتنمر بس شكله كان مقزز، يخلي جسمك كله يقشعر، كأنك شايف حيوان ب*ع قدامك..

بعد ساعة البنات رجعوا وسألتهم عن الجيران هنا في العمارة قالولي ان كل الادوار اللي فوق فاضية اصلا، مفيش غير الشقة اللي قدامنا ساكنها راجل اسمه عزوز، بس محدش فيهم لسة شافه اصلا لانه مريض وبيخرج كل فين وفين..

حاولت اتناسى كل حاجة وادخل انام، ومشيت الايام يوم بعد يوم لحد ما صحيت في مرة بالليل على صوت حاجة تقيلة بتقع في الأرض، خرجت للصالة بسرعة اشوف فيه ايه بس مكنش فيه حاجة خالص..

بس لما ركزت لقيت الصوت جاي من برة، قربت من باب الشقة وبصيت من العين السحرية عشان اشوف عزوز بيشد شوال تقيل ناحية شقته، كان منور كشاف موبايله فعرفت المح المشهد بالعافية..

حسيت ان فيه حاجة غلط بتحصل وان مقدرتش احدد ايه هي، رجعت انام وانا عقلي ملتهب من التفكير، بصيت في الساعة لقيتها ٢ بالليل..

حاولت اتناسى الموضوع نوعا ما واكمل ايامي الصعبة دي، بس بعد يومين بس اتكرر الموضوع، سمعت صوت عربية بتقف قدام العمارة، ولما بصيت من شيش البلكونة من غير ما حد يلاحظني شوفت شخص شايل شوال ودخل العمارة، رجعت ابص من عين الباب شوفت عزوز بيشيل الشوال ويدخل شقته..

وخرج صاحب العربية ركب عربيته ومشي من المكان، وبدأ الموضوع يتكرر يوم ويوم، كل ٤٨ س بالظبط الساعة ٢ بالليل بتيجي العربية ويدخل شوال في شقة عزوز..

الموضوع بقا بينهش في عقلي لدرجة اني بطلت اروح الكلية وبقيت في الشقة بس اراقب عزوز، عزوز اللي كان بيخرج تقريبا كل ٤٨ ساعة الساعة ٢ بالليل عشان ياخد الشوال، واللي لاحظته كمان ان الشخص ده بيجبله شنط فيها اكل عشان تكفيه..

عندي احساس ان الشخص ده بيعمل مصيبة رهيبة جوة، لحد ما في يوم والبنات في الجامعة لقيت نفسي بلف في الشقة، ولقيت نفسي بفتح باب المنور اللي كان مقفول من يوم ما جيت، ومن المنور اكتشفت ان المنور بتاعنا كاشف شباك حمام عزوز..

لقيت سلم قديم سندته على الحيطة وطلعت عليه وبصيت على حمام عزوز، كان الشباك الازاز الصغير ده اللي سهل تبص منه..

بس مكنتش فيه اي حاجة مريبة، فضلت طول اليوم اروح واجي بس مفيش اي نتيجة، لحد ما جت الساعة ٢بالليل في ليلة وجه الشوال في ميعاده..

لقيت نفسي سبت البنات نايمين وجريت على المنور، طلعت على السلم وبصيت من الشباك، المكان كان مظلم، مفيش اي حركة، بس فجأة اتفتح نور الحمام..

شهقت من الخضة بس كتمت شهقتي بسرعة وراقبته، كان بيفتح الشوال اللي تفاجئت ان جواه طفل صغير، طفل صاحي عنده حوالي تلت سنين..

لقيت عزوز قلعه هدومه وقعده في البانيو وفتح عليه المية، الطفل كان بيترعش ومبينطقش، لان بقه كان مكمم بقماشة، حسيت ان هيغمى عليا من الخوف..

مفيش لحظات ولقيت عزوز ساب الولد في البانيو وخرج من الحمام، ولقيت دموعي بتنزل من الخوف على الولد..

مكنتش عارفة انا ممكن اعمل ايه، سندت على الشباك لقيته اتفتح معايا، وبدون وعي مني حشرت جسمي بصعوبة شديدة و

وعديت من الشباك، اتعلقت فيه ونزلت على ارضية الحمام، كنت بتنفض وقلبي ثاير من الخوف..

مسكت الطفل قومته بسرعة وكانت الكارثة، الشباك عالي جدا، وحيطان الحمام سيراميك، يعني استحالة اعرف اتشعلق واطلع تاني لأني هتزحلق..

حسيت اني وديت نفسي في داهية، قفلت الشباك بعصاية المساحة وسبت الولد في البانيو تاني وخرجت من الحمام فورا، خرجت للصالة واستخبيت ورا دولاب كبير..

في اللحظة دي دخل عزوز وفضل شوية في الحمام، شوية ولقيته خارج بالطفل، كان شكله ب*ع، كأنه وحش هياكل الطفل كمان شوية..

خرج للصالة فاستخبيت اكتر مكاني ولقيته شد السجادة عشان يكشف عن باب في الارضية نفسها، كنت براقبه بذهول، مش مستوعبة اللي بيحصل ده..

لقيته بيشد مقبض الباب فكشف عن سلم تاني نازل لتحت الارض، كأنه بدروم، او سرداب، خد الطفل ونزل تحت، وغصب عني بعد دقيقة لقتني بنزل وراهم، كان سلم مظلم بينزلك لتحت..

نزلت واحدة واحدة لحد ما لقيت السلم بياخدك لاوضة كبيرة منورة بنور احمر ضعيف، النور كان متسلط على كرسي عليه الطفل متكمم، وقدامه كان واقف عزوز وحاطط كاميرا قدامه بتصورهم..

وبدأ يتكلم بالانجليزية، ذهلت من طريقة نطقه ليها كأنه متمكن لأقصى درجة، وكل اللي قدرت افهمه من كلماته..

كلمة   قتل، الطفل، رهان

عقلي وقف عن التفكير وانا واقفة على اول السلم في الضلمة بشوف المشهد ده، انا قرأت قبل كدا عن الدارك ويب وان بيبقا فيه بث مباشر ناس بتتف*ج عليك وانت بتقتل حد وتعذبه وبيدفعوا فلوس، بس كنت بعتقد ان كل ده خيال، او بيحصل برة مش هنا في مصر..

برجع لورا بهدوء لقيت ضهري خبط في صندوق زجاجي عامل زي التابوت، بصيت جواه وفي الضلمة لمحت، لمحت قزمة شبيهة لعزوز بس، بس متحنطة، كتمت صرختي بالعافية وطلعت موبايلي وبدأت اصور عزوز..

كان بيبص للكاميرا وبيكمل كلامه، بعدها مسك خنجر وقربه من رقبة الطفل، وغصب عني صرخت، صرخت عشان يبص نحيتي ويدوس على زرار في الحيطة ف*نور الاوضة كلها..

الاوضة اللي كانت عاملة زي المدبح، مليانة صناديق فيها عضم، والدم تقريبا في كل مكان، صرخت تاني واتكلمت وسط دموعي:

- انا صورتك ولو قتلته هود*ك في داهية

بصلي شوية ب**ت وبعدها ابتسم، وجسمي كله اتنفض، وطلعت اجري على فوق، وصلت للصالة ومنها لباب الشقة، فتحته بس متفتحش، كان مقفول بالمفتاح، فضلت اخبط عليه بهيستريا وانادي على سهى وعلا، بس فجأة حسيت بض*بة عنيفة نزلت على دماغي، الدنيا دارت بيا مرة واتنين وتلاتة وكان اخر مشهد شوفته القزم بيبتسم ابتسامة ب*عة وبيتحسس جسمي..

صحيت من نومي لقيتني نايمة في مستشفى وقدامي ظابط والبنات التلاتة، سألتهم بتعب عن اللي حصل واتحكالي الاتي..

لما صرخت وخبطت على الباب البنات صحيوا، ولما خبطوا على شقة عزوز شد جسمي بعيد في اوضة وقفل عليا  فتحلهم وكأنه صاحي من النوم..

ولما سألوه عليا قالهم انه ميعرفش، بس علا اتصلت بيا، وسمعوا صوت تليفوني بيرن في شقته جوة، وكانت موهبة ليلى في الصراخ، جريت على الشارع وفضلت تصرخ وتستغيث، ولحسن الحظ كان فيه تلت رجالة قريبين من المكان جريوا على صوت الصراخ، واقتحموا شقة عزوز، مسكوه ربطوه ولقوني مرمية في الاوضة..

سهى جريت على القسم وبلغت، واكتشفوا كوارث في شقة عزوز، ومع اعترافاته في القسم اتضح الاتي..

الراجل مراته ماتت وكانت من نفس فصيلته، حنطها وبدأ يمارس نوع سحر عشان يحيى مراته على حسب قوله، بس احياء مراته كان عايز دم اطفال كتير اوي، وبالتالي مكنش هيلاحق على فلوس الاطفال، وبالصدفة قدر انه يدخل على شبكة الدارك ويب ويقدم عروض، والناس المرضى حبوا فكرة القزم اللي بيدبح الاطفال، وبالتالي كان بيجيب اطفال اكتر ويمارس السحر الاسود بتاعه، ومن فضل ربنا انهم لحقوا الطفل واعتقوا عزوز.

القط الأسود

لقط الأ**د قصة رعب مخيفة للغاية لا ينصح للأطفال وذوي القلوب الضعيفة

تحتوي كل الثقافات على موروثات من قصص الجن والأشباح نتربى عليها حيث تقصها علينا الجدات والأمهات، فهناك من تقصها بغرض التخويف وهناك من تقصها بغرض التسلية، وقد ارتبط القط الأ**د في العديد من الثقافات والروايات بالجن وفي ثقاف*نا كان كذلك حيث كانوا يحذروننا دائما من رؤية القط الأ**د في الظلام، وقد كانت قصتي التي سأرويها لكم دليلا قويا على تلك الأقاويل التي كانوا دائما يقصونها علينا.

قصتي حدثت منذ عشر سنوات تقريبا حينما كنت ابلغ من العمر خمسة عشر عاما، وكنت وقتها في الليل نائما في فراشي إلا أنني شعرت بشيء غريب كما لو أن هناك من يشاركني فراشي، مما أشعرني بالخوف وعندما فتحت عيني لم أجد شيئا فكان فراشي كما هو انا فقط به، فنهضت وعندما تحركت لمحته إنه قط أ**د يركض ناحية الحمام، وعندما تبعته لم أجده ولكن لحظة ما هذا لم أتبينه بشكل جيد لكنه ضخم وشكله مرعب إنه في مرآة الحمام فخرجت مسرعًا لأندس في فراشي وأنا ارتعد وبعد مرور بعض الوقت غلبني النوم.

استيقظت في صباح اليوم التالي وكتمت ما حدث في الليل ومر يومي دون حدوث أشياء غريبة، وعندما حل الليل ونمت رأيت كابوسًا مرعبًا، فقد رأيت قط أ**د عملاق يهاجمني ويخدشني دون رحمة ولم أشعر إلا وأنا استيقظ صارخًا ولكن ما هذا؟ ألم يكن حلما فما هذا؟ إنه الخدش يظهر واضحًا في يدي وهنا لما استطع كتمان ما حدث وروية لأهلي ما كان، فقالت جدتي يجب وضع شمعة مشتعلة أسفل السرير ورغيف خبز مع ملح بجواري وقد فعلت والدتي، ولكن عندما نمت جاء القط الأ**د فاسقط الخبز والملح وأطفأ الشمعة واخبرني أن جدتي ستتسبب في قتلي واستيقظت صارخا.

قصصت ما رأيت لأهلي وبالفعل ما حدث في الحلم حدث في الحقيقة وبدأت رحلتي مع المشايخ فذهبت إلى أكثر من شيخ، حتى وصلنا إلى الشيخ الخامس الذي سألني عن التزامي بالصلاة فأجابت والدتي بأنه سيتم تعليمي الصلاة، وهنا غضب الشيخ كثيرًا فكيف بفتى في الخامسة عشر ولا يعرف كيفية الصلاة، واخبر والدتي بأن نجاتي في التزامي بالصلاة و الأذكار، وخرجنا وفي الطريق كانت والدتي غريبة وتتحدث بصوت غريب وعندما سألتها كان شكلها مرعب عيون سوداء نافرة وأظافر طويلة وبشرة شاحبة وقالت بأنني لن أنجو فلم اتحمل وفقدت الوعي.

افقت فوجدت نفسي في المنزل بين أهلي فسألت ما الذي حدث؟ فقالت أمي بأنني اصبت بحالة غريبة وتحولت عيني بشكل غريب وصرت اصرخ واصدم رأسي بتابلوه السيارة إلى أن أصبت وفقت الوعي، كلا ما اذكره غير ذلك وقصصت ما رأيته ولكن اصابة رأسي اكدت رواية أمي.

خرجت متجها إلى الحمام حتى اتوضأ لأصلي ولكن رأيت في المرآة القطة السوداء فهممت بالهرب إلا أن هذا الظل جاء من خلف الستارة ولم يفتح باب الحمام فبدأت بالصراخ وفجأة فتح الحمام فكان الشيخ الذي يقرأ القرآن واستمر في القراءة ومع القراءة كانت الصرخات تتعالى وها هو ذو الوجه المرعب إنه يحترق فأمرني الشيخ أن لا انظر إليه وبالفعل احترق واختفى تماما ولكن لم يغادر حياتي فما زال يزورني في احلامي  مع قططه السوداء التي تلازمه ويهددني بأنه سيأتي وينتقم ولكنني دائم التحصين لنفسي بالصلاة والأذكارالله

"انا جوزي معاق"

دي الحقيقة اللي بحاول اتجاهلها قدر الامكان كل يوم وكل دقيقة وكل لحظة، بحاول اتأقلم مع الوضع وابقا الست المخلصة اللي وقفت جمب جوزها في المأساة اللي حصلتله، حادثة عربية عملتله مشكلة كبيرة في العمود الفقري خلته يعيش مشلول، قاعد على كرسي ٢٤ ساعة مبيتحركش، وكان لازم اتفهم الوضع الجديد، اتفهم اني هعيش مع انسان مدمر جسديا وغير سوي نفسيا..

عصبية، خناقات، شتايم، كأنه اتحول لمسخ شرير، عارفة ومتفهمة ان حالته النفسية سيئة جدا، وبدعي ربنا افضل الزوجة المخلصة اللي تقف جمبه لحد ما ربنا يقضي أمرا كان مفعولا..

من فضل ربنا ان اخوه بعد الحادثة جالي وقالي انه هيتكفل بمصاريف البيت من انهاردة، ان كل شهر هيوصلني مبلغ مصروف الشهر، لانه شاف اخوه في حالة لا تسمح بالكلام اصلا، وحمدت ربنا اني مش هتمرمط في الشوارع عشان اصرف على البيت..

وبدأت الحياة تاخد منحنى صعب، مسؤولية رهيبة وقعت عليا، زي الجبل اللي بيتهد فوق دماغك مرة واحدة، وتماسكت لأقصى درجة عشان اقدر اكمل، وقتلت كل المشاعر جوايا لأني بقى معايا راجل لا يصلح لاشباعي جسديا ولا حتى عاطفيا..

وبدأ محمود يقفل على نفسه الاوضة بالساعات، بل ممكن نقول انه فضل في مرة ٢٤ ساعة جوة الاوضة، م***ع منعا باتا اخبط حتى عليه، والا سيل من الشتايم اللي مستحيل اتحملها هينزل عليا زي الصاعقة..