Sa gitna ng pagkakagalak ng mga magkakaibigan na sina Luis, Jane, ang magkambal na sila Rian at Lian dahil sa muling pagkaayos ng anyo ni Ruby ay biglang bumangon na rin si Yuki sa kanilang harapan. Iika-ika pa itong maglakad sa kadahilanang bumagsak siya mula sa kanyang pagkalutang sa tulong ng kanyang kapangyarihan na magmanipula ng hangin. Puno ng awa ang mga mata ni Yuki sa itsura ni Ruby na halos mukha na siyang isang gulay na lantang-lanta na. Lalapitan na sana ito ng babae ngunit napatigil siya sa kanyang paglalakad nang may sumigaw ng pangalan niya.
"Yuki!!" Mabilis pa sa balang tumakbo si Luis pasugod kay Yuki tsaka niya ito sinapak gamit ang buong lakas na mayroon siya sa kanang kamay. Lumiko sa kanang direksyon ang mukha ni Yuki dahil sa napakalakas na pwersa nito. Sinalo ni Lu
