Nagsimula nang magbawas ng segundo ang tatlong minutong nakalaan para sa paglalaban nila Ruby at Andy at hindi naman nila sinasayang ang bawat segundong lumilipas. "Ignition!" bigkas ni Ruby at kasabay naman niyon ay ang paglaho ni Andy gamit ang kanyang kapangyarihan. Nakapag-isip na si Ruby ng isang imahe ng apoy ngunit maliit lamang iyon at mukhang hindi niya magagamit laban kay Andy. "Fireball!" muli niyang bigkas at dumiretso na ang apoy papunta sa kabilang direksyon kung saan nakatayo ang babae. Ang inaasahan niya ay matatamaan niya si Andy roon kahit pa hindi naman niya nakikita kung nasaan ito, subalit talaga nga namang wala siyang tinamaan na kahit sino kaya napanghinaan siya ng loob. Bumalik sa kanyang utak ang mga naisip niyang wala siyang magagamit na abilidad laban sa Mirage n
