Hindi na nag-isip pa ng ibang bagay si Luis bukod sa kagustuhan niyang gumising na muli si Ruby. Sinisisi pa rin niya ang kanyang sarili na kasalanan niya ang lahat ng nangyari, kahit pa wala naman talaga siyang kinalaman doon. "Tara na, kumapit na kayo sa akin." Utos niya kila Lian at Rian. Tumabi si Rian sa kaliwa ni Luis at sa kanan naman niya ay naroon si Lian. Kinarga ni Luis si Ruby sa kanyang mga braso at ang mga binti at braso ni Ruby na tumatama sa balat ni Luis ay unti-unting nakapapaso sa kanya. Patago niya itong dinadaing at tinitiis na lang ang sakit na dulot nito. Wala pang isang minuto mula ng buhatin ni Luis ang babae ay naglaho na sila sa training room.
Napadpad sila sa Sentro ng kanilang paaralan. Hindi naman sila pinagtinginan ng mga estudyante dahil halos lahat naman n
