Patakbong bumalik sa center si PO1 Caren para tulungan ang mga kasamaang pulis at sundalo. Kailangan nilang protektahan ang mga taong naroroon laban sa mga aswang at mga bampirang kasalukuyang umaatake sa mga tao sa loob. Kitang-kita niya ang mga nagliliparang mga wakwak at tiktik sa himpapawid. Mga bampira naman ang nakapasok na sa loob ng gusali at nambibiktima mapa-bata man o matanda. Balisa ang mga kapulisan at mga sundalo. Halos hindi na nila alam kung sino ang mga tao at aswang dahil sa tulayan ng nagkagulo sa loob ng center.
Nakita ni Caren ang isang batang babae na wala ng buhay at pinagpipyestahan ng dalawang wakwak. Biglang naalala niya si Margaux sa kawawang batang babae. Kaagad ay iniangat niya ang kanyang .38 kalibreng baril at pinaputukan and dalawang wawak sa kanila
