Maagang gumising si Randy at kaagad na nagtungo sa pinakamalapit na sapa para magmumog at maghilamos. Ramdan niya ang tagos-butong lamig lalo na't ilang araw na rin siyang walang kasuotan maliban lamang sa suot niyang pang-ibaba na gawa ni Demetria. Nakita niya na nasa ibabaw ng malaking bato si Odessa at papalapit sa kanya. Gusto sana muna niya itong iwasan ngunit magkikita at magkikita pa rin silang dalawa lalo na't magkasama sila sa paglalakbay. Bakit ba kasi napasok siya sa sitwasyon niya ngayon? Kailan lang ay isa lamang siya sa mga bodyguard ni Mr. Rodlfo Lee ang mayamang intsik na kanyang pinaglilingkuran. Ngayon heto siya pati pagkatao niya ay hindi na maintindihan. Hindi niya alam kung paniniwalaan ba niya ang sinasabi ni Demetria na nasa katauhan niya si Banaual ang bunsong a
