Sa umaandap-andap na kandila sa loob ng isang maliit na kwarto, ay sinimulang ipinta ni Claudius si Morgana gamit ang dugo nito. Sa una ay ayaw sanang pumayag na dugo ni Morgana ang gagamitin sa pagpipinta ngunit dahil na rin sa pinagdaraanang hirap sa buhay ay pumayag na rin ito sa bandang huli.
Mag-uumaga na nang matapos niya ang portrait ni Morgana. Kahit siya ay sobrang namangha sa kanyang ipininta na hindi niya inakalang maganda ang kalalabasan na gamit lamang ang dugo ng kaibigan. Naroon at nakahiga pa rin si Morgana sa kanyang higaan at sabik na sabik niyang ipakita ang kinalabasan ng ipininta. Marahan ay binuhat niya ang canvass at tinitigan ng malapitan. Alam ni Claudius na ngayon lamang siya nakagawa nang sobrang kagandang larawan simula ng makilala siya sa pagpipinta. T
