Ang mga malalaking puno na daan-daang taon na ang tanda ay kusang nagsisigalawan at pinaghahampas ang mga laman-lupang patuloy na pumapasok sa bakuran ng bahay ni Laurea. Parang mga pusang tumitilapon ang mga mababangis na mga lamang-lupa sa bawat paghampas ng mga Puno gamit ang kanilang mga matitigas na mga sanga. Ang mga punong ito ay isa sa mga unang lahi ng mga Pungkanto, mga buhay na punong pumuprotekta sa kaharian ng mga Reyna ng mga diwata. Si Laurea bilang si Mariang Sinukuan, ay isa sa mga reynang tagapangalaga ng kalikasan. Inatasan siya ni Amang Bathala para bantayan ang bundok Alaya kasama ang kapatid nitong si haring Sinukuan o kilala rin bilang si Aring Sucu. Bago pa man nagpaalam si Haring Sinukuan sa kapatid ay ipinagkaloob niya sa kanya ang mga buto ng Pungkanto para i
