Alalang-alala na si Odessa sa kalagayan ng kanyang ate Laurea. Halos apat na oras na siyang walang malay at nasa ganoong kundisyon. Ginamot na ni Odessa ang mga natamong sugat ng kapatid gamit ang kanyang dugo at tulad ng inaasahan ay kaagad na naghilom ang mga iyon. Pero hindi iyon naging sapat para bumuti ang kalagayan ng diwata. Hindi nila inaasahan ang biglang paglusob ng mga lamang-lupa sa kanila. Hindi sila nakahanda sa ganoong pangyayari. Wala silang maisip na dahilan para gawin ng mga nilalang ng dilim ang paglusob sa kanila ng basta-basta. Kaya isang malaking pala-isipan sa kanila ang pag-atake sa kanila ng mga lamang-lupa.
Sapo ang kanyang baba, binabantayan ni Odessa ang kapatid niyang si Laurea na nakahiga sa isang putol na katawan ng isang punong-kahoy. Nasa tabi niya
