HINDI mapakali si Lanie sa upuan dito sa labas ng emergency room. Ilang oras na sila dito. Pinaglalaruan niya ang laylayan ng Jacket ni Kaden na pinasuot nito kanina.
“Hey, Lanie. Easy ka lang malayo sa bituka ang tama ni Kaden.” Saad sa kanya ni Keb.
“Nag-aalala po ako sir Keb. Paano kung—“
“Ang masamang damo matagal mamatay.” Pangagatong ni Kalex.
Huminga nang malalim si Lanie at maya’t maya siya napapatingin sa pinto. Si Keb ay nakasandal lang sa wall habang naka-cross arms at si Kalex naman ay nakaupo sa harap ni Lanie habang naka-dekuwatro.
“Bakit ba relax lang kayo diyan? Hindi ba kayo nag-aalala sa kapatid n’yo?” Bulyaw ng dalaga dahil hindi makitaan ng pag-alala ang magkapatid.
“Marami na kaming laban na nilagpasan at itong nangyari kay Kaden ay hindi na bago sa amin.” S
