LABIS na takot ang naramdaman ng mag-asawang Kaloy at Evelyn nang marinig ang boses na nagsasalita mula sa kung saan. Hindi man nila nakikita kung nasaan ang mga tao na kung tawagin ay Mutant dahil wala sila sa bayan, pero base sa mga sinabi nito kanina ay mukhang hindi magiging maganda ang gagawin ng mga ito sa kanila kapag hindi sila pumayag sa mga gusto nito. Napatingin pa nga sila kay Sandra, dahil pasok ito sa edad na kukunin ng mga iyon.
Nakita nga ng dalaga ang reaksyon ng kanyang mga magulang, at pinilit niyang hindi magpakita ng takot sa mga ito. Kung gagaya raw siya sa mga ito ay baka buong-araw na lang silang walang magagawa rito sa bahay. Sa kabila ng mga narinig niya at nabasa sa social media ay ayaw pa rin niyang mawalan ng pag-asa.
“Huwag kayong mag-alala nay, tay… Hindi n
