NAGULANTANG ang buong probinsya nang bigla silang nawalan ng kuryente. Ang mga nasa Calapan naman ay nakaramdam ng mas lalong takot nang makarinig sila ng napakalakas na pagsabog mula sa kung saan, na sinundan ng pagkaputol ng kanilang mga supply ng kuryente. Una ngang pinasabog ni Lior ang kooperatiba ng elektrisidad ng buong Oriental Mindoro, sapagkat alam naman niya na ito ang pangunahing pangangailangan dito.
Mas lalong dumami ang natakot at kinabahan sa ginawa nilang iyon. Dito na nga rin nagsilabasan ang mga tao sa loob ng bahay nila para pagmasdan ang mga taong nasa kalangitan nang sandaling iyon. Ang bahagi kung nasaan ang electric cooperative ay wasak na wasak at ang mga ambulansya ay mabilis na rumesponde roon na may kasama ring takot sa mga sakay nito. Ang mga bumbero ay nagpun
