TATLONG araw nga ang lumipas matapos marating ni Saber ang taong 2022, ay heto nga siya at nakarating na rin kaagad sa lugar kung saan naninirahan ang mga sinabi sa kanya noon ni Augustus na mga Mutants. Ang kanila palang tirahan ay ang parallel dimension ng Calapan City. Hindi pa malinaw sa bulag na binata kung paano sila nakarating dito sa tulong ng paring si Arnel, subalit natitiyak niya na mauulit ang pagpunta niya rito sa mga susunod pang mga araw.
Pagdating nga niya sa City Hall ay napalaban kaagad siya sa limang mga bantay roon at walang kahirap-hirap niyang pinabagsak ang mga ito. Ramdam na ramdam na niya ang malakas na presensya ng mga inidibidwal na nais niyang makausap, ngunit hindi ito basta-basta ibibigay sa kanya, lalo pa’t may malalakas na namang Mutants ang ngayon ay nasa
