NABALOT na lamang katahimikan ang paligid. Napuno nga ng makapal na usok ang buong compound ng City Hall sa parallel dimension kung saan naninirahan ang mga Mutants. Isang malakas na pagsabog kasi ang naganap sa lugar na iyon at mabuti na lamang at nakatakbo kaagad palayo ang mga nanonood sa labas ng barrier bago ito mawasak.
Umihip sandali ang malakas na hangin sa buong lugar at ang makapal na usok na kumawala sa itaas ay unti-unting napayid. Makikita nga sa ere na lumulutang ang isang lalaking bulag na iginagalaw ng hangin ang buhok habang walang emosyong nakaharap ang mukha nito sa ibaba.
Nagkaroon din ng makapal na harang ang buong main building, at kung hindi naging maagap ang mga Elders ay baka nadamay rin ang iba pang gusali sa compound. Ang pwersa ng malakas na pagsabog kanina ay
