EHRAN
Finally, sa kabila ng simpatiya ko para kay Rhian, nanaig din sa akin ang trabaho ko at ang tunay na dahilan kung bakit ako nilikha ni Ama. Nanaig ang pagmamahal ko sa lahat ng tao at hindi sa iisang tao lang.
Nakatulong ang paulit-paulit na pagpapakita sa akin ni Arkanghel Azrael tungkol sa kamatayan ng mga anghel at mga tao dahil kay Rhian. I admit, until now, hindi pa rin ako naniniwala, lalo na ang puso ko na kaya iyong gawin ng kaibigan ko. Pero kailan man, hindi nagsisinungaling ang propesiya. Hindi nagsisinungaling ang pangitain ng mga matatas na anghel. Dahil ang propesiya ay halos iyon na ang nais iparating ng Diyos.
Oo, mahalaga sa akin si Rhian. Pero paano naman ang mga kalahi ko? Ang mga mahal kong mortal? Hahayaan ko bang dahil lang sa iisang taong malapit sa puso k
