RHIAN
"Anak, gising na! Tanghali na. Male-late ka na!"
Napabalikwas ako ng bangon nang marinig ang boses ni Mommy Zen sa labas ng kuwarto ko, habang kumakatok. Napatingin ako sa digital clock na nasa side table. Magse-seven na ng umaga. One and half hour na lang mula sa oras ng first subject na nakalagay sa classcard ko.
Parang gusto ko na namang isisi sa kakaibang panaginip na iyon ang pagkatanghali ko ng gising. Pero paano ko magagawa 'yon kung laging gan'on kaganda ang panaginip ko? Parang sira akong napayakap sa sarili ko habang nananaginip kunwari ng gising.
Nasa gan'ong ayos ako nang muli akong tawagin ni Mommy Zen. "Anak, first day of school mo ngayon. Remember?"
Patay! Hindi ako puwedeng ma-late. First day of school ko sa college.
Sandali akong humarap sa altar at nagdasa
