THERESE'S POV
"HOY! ANONG GINAWA mo roon?" untag sa akin ni Ciara na siyang nasa harapan ko.
Tinaasan ko siya ng kilay dahil hindi ko rin naman alam ang sagot sa tanong niya. Napalunok ako atsaka nagkibit-balikat.
"Aba malay ko. Baka nag-iinarte lang," saad ko. Pilit kong pinagmumukhang ayos lang sa akin ang pag-alis ni Ross pero ang totoo, kinakabahan na talaga ako.
Ang lakas niyang magpakaba, ah! Ni wala nga akong ideya kung bakit siya nagkakaganoon. Pero bakit pakiramdam ko, guilty ako? Bakit pakiramdam ko, kasalanan ko kung bakit siya nag-walk out, eh wala naman akong ginagawa?
Dahil ba hindi ko agad kinain ang pagkaing hinain niya? Pero hindi, eh. Base sa pagkakakilala ko kay Ross, hindi naman magkakaganoon iyon sa maliliit na bagay. Hindi sumasama ang loob niyon sa ganoong klas
